სოციალური მედია 21-ე საუკუნეში საზოგადოებისთვის ერთ-ერთი ყველაზე მნიშვნელოვანი საკონტაქტო სივრცე გახდა, მას ადამიანები იყენებენ, არამხოლოდ ერთმანეთთან საკომუნიკაციოდ, არამედ საკუთარი ყოველდღიური ცხოვრების კადრების და ვიდეოების გამოსაქვეყნებლად. მიუხედავად ბევრი დადებითი გავლენისა, სოციალური მედია ხშირად ხდება ნეგატიური კომენტარების გავრცელების მიზეზი, რადგან ადამიანები არასასიამოვნოდ გამოხატავენ საკუთარ აზრს. სოციალური მედიის უარყოფითი გავლენის მსხვერპლი მომღერალი და ბიზნესვუმენი სელენა გომესი არაერთხელ გამხდარა. პოპვარსკვლავმა ამჟამადაც გამოაქვეყნა ახსნა-განმარტებითი პოსტი, სადაც ადამიანებს მიმართავს:
”დიახ, მე გავსუქდი, რადგან ვსვამ წამლებს ლუპუსის დაავადების გამო და მე არ შემიძლია დიეტის დაცვა, რადგან ეს აკრძალული მაქვს. მე ვსვამ წამლებს, რათა გადავრჩე და არა იმიტომ, რომ გავხდე. მე არ ვარ მოდელი და არც არასდროს ვიქნები, ასე, რომ როგორ გამოვიყურები, ეს მხოლოდ ჩემი უფლება და არჩევანია”.
