ამერიკელი მოდელი და მსახიობი პერის ჰილტონი და მისი მეგობარი მამაკაცი ანტრეპრენერი კარტერ რეუმი დაქორწინდნენ.
View this post on Instagram
40 წლის ლამაზმანმა საქორწილო ცერემონიიდან პირველი კადრი სოციალურ ქსელში რამდენიმე საათის წინ გამოაქვეყნა, სადაც მას “ოსკარ დე ლა რენტას” თეთრი კაბა აცვია.
ქორწილი პერისის ბაბუის სახლში, Bel-Air-ში გაიმართა.
შეგახსენებთ, რომ ვარსკვლავურმა წყვილმა ერთმანეთი კლიპ Heartbeat-ის გადაღების დროს 2006 წელს გაიცნო, თუმცა რომანტიკული ურთიერთობა ოფიციალურად 2019 წელს დაიწყეს.
მათ ნიშნობის შესახებ ინფორმაცია 2020 წელს Vogue-ის საშუალებით გაავრცელეს.
“ჩვენი ცხოვრების ახალი ეტაპი იწყება. მე მქონდა უნიკალური შესაძლებლობა ბოლო 15 თვის განმავლობაში გამეცნო ნამდვილი პერისი და საკუთარ თავს იღბლიან ადამიანად ვთვლი, რადგან ის უნდა გახდეს ჩემი პარტნიორი და მომავალი მეუღლე. პერისი ბრწყინავს თავისი კეთილშობილებითა და ჭეშმარიტებით.” – განაცხადა კარტერმა პერის ჰილტონის შესახებ.
ქორწილს ცნობილი ადამიანებიდან ემა რობერტსი, ბიბი რექსა და ივან როსი დაესწრნენ.
