სასტუმრო „გრანდ გლორია“ მდებარეობს ახალ ბულვარში, ბათუმის შავი ზღვის სანაპიროზე. სასტუმრო დამსვენებელს კომფორტულ გარემოსა და სასიამოვნო დასვენებას ჰპირდება. როგორც „გრანდ გლორიაში“ აღნიშნავენ, ეს ადგილი საინტერესოა უცხოელი სტუმრებისთვის. აქ მოგზაურები შეძლებენ ზედმიწევნით გაეცნონ ქართულ სტუმართმოყვარეობასა და კულტურას. სასტუმროს შესახებ უფრო ვრცლად კომპანიის დირექტორი, ნიგარ ალიევა გვესაუბრა.
სასტუმრო „გლორიას“ შესახებ…
10 წელზე მეტია, რაც „გლორიას“ სასტუმროები რევოლუციას ახდენს სტუმართმოყვარეობის ინდუსტრიაში ინოვაციური შეთავაზებებით, სტუმართმოყვარეობის საერთაშორისო სტანდარტების ქართულ, ადგილობრივ ასპექტებთან შერწყმითა და მთლიანობით. ეს უკვე სასტუმროს გამოცდილების ინტეგრირებული ასპექტები და ჩვენი ნიშაა.
ამ ინოვაციებით ვაფართოებთ სტუმართმოყვარეობის სამყაროს ახალ და საინტერესო სფეროებში. ჩვენი უახლესი პროექტი სასტუმრო „გრანდ გლორია“ ამის ნათელი მაგალითია. ეს უნიკალური პროექტი, გარდა განსაკუთრებული, გამორჩეული მზრუნველობითა და სიყვარულით სავსე მომსახურებით უზრუნველყოფისა, ნათელ მომავალზეც მიუთითებს.
აღსანიშნავია, რომ 2021 წელს 100%-იანი რესტარტით უამრავი სტუმარი გვყავდა სხვადასხვა ქვეყნიდან, რაც კიდევ ერთხელ ადასტურებს ჩვენს თბილ, ქართულ სტუმართმოყვარეობას, რამაც 35%-მდე გაზარდა ჩვენი ლოიალური სტუმრების რაოდენობა.
მზადება ახალი სეზონისთვის
უკვე მზად ვართ ახალი სეზონისთვის. გთავაზობთ გამოიყენოთ თქვენი შანსი, გაატაროთ ზაფხული ჩვენთან და თავი განსაკუთრებულად იგრძნოთ. მადლობა ნდობისთვის, ჩვენთან ერთად თქვენი წარსული, აწმყო და მომავალი მოგზაურობისთვის.
სამომავლო გეგმები…
ჩვენი ხარისხით, სერვისით, კულტურითა და ბრენდით უფრო დიდი წარმატებების მიღწევას ვაგრძელებთ. არ ვუშინდებით გამოწვევებსა და სიახლეებს, პირიქით, ვცდილობთ უფრო მეტად განვვითარდეთ და სასტუმროში დავნერგოთ სხვადასხვა ინოვაცია, რათა ჩვენი სტუმრების დასვენება დაუვიწყარ გამოცდილებად ვაქციოთ.
