პირველი მედიცინის ბლოგერი თაკო კალანდაძე პირველად არ არის OK!-ის ობიექტივში, თუმცა ამჯერად სულ სხვა სიახლით დაგიბრუნდით. 3 მარტს ეგვიპტეში, შარმ-ელ-შეიხში Top Model of the World-ის ფინალი გაიმართება, სადაც საქართველოს სახელით სწორედ, რომ თაკო წარსდგება.
მედიცინის ბლოგერი 2022 წელს Georgian Sky Angels-ის პირველი ვიცე მის ენჯელი გახდა და როგორც თავად აღნიშნა ეს მისი პირველი კონკურსია და აქამდე არანაირი გამოცდილება ჰქონია ამ სფეროში.
თაკოს საკუთარი კომპანია აქვს – Medfriend, რომლის მთავარი დანიშნულებაც საზოგადოებისთვის მედიცინის სფეროში არსებული სიახლეების გაზიარებაა. ქართველი ბლოგერი ვიდეოებს გთავაზობთ პირდაპირ საოპერაციოდან. როგორც თავად აღნიშნავს, საქართველოში პირველია, რომელმაც მსგავსი კონტენტი შესთავაზა საზოგადოებას. გარდა კომპანიისა თაკო აქტიურად არის დაკავებული სიმღერითა და ხატვით.
უკვე 29 წელია, რაც კონკურსი ტარდება და როგორც ჩვენი ქვეყნის წარმომადგენელმა OK!-თან საუბრისას აღნიშნა მოლოდინი აქვს, რომ გარკვეული ტიტულის მფლობელი აუცილებლად გახდება.
კონკურსანტების მასპინძელი Sunrise resort-ია, რომელიც ყველანაირ პირობას უქმნის მონაწილეებს იმისათვის, რომ კონკურსამდე მაქსიმალურად დაისვენონ და განიტვირთონ.
აღსანიშნავია, რომ კონკურსში 43 ქვეყნის მონაწილე იქნება წარმოდგენილი.
თაკო კალანდაძის ჩაცმულობაზე ცნობილმა ქართველმა დიზაინერებმა იზრუნწს, მათ შორის: T&N Darchia, ატელიე 10/11 და ლაშა ჯოხაძე.
ჩვენ კი ისღა დაგვრჩენია, რომ წარმატება და გამარჯვება ვუსურვოთ ჩვენი ქვეყნის წამრომადგენელს კონკურსში.
ფოტო: ალექსეი სეროვი
