ივლისის დასაწყისში, როცა ევროპა იწვის და რამდენიმე ქვეყანაში ტემპერატურა 40 გრადუსსაც კი უახლოვდება, საქართველოში მოულოდნელად აგრილდა, რაც ჩრდილო-დასავლეთიდან შემომავალი ცივი ჰაერის მასების შემოსვლას უკავშირდება.
სინოპტიკოსები უმეტეს რაიონში, მათ შორის დედაქალაქში, 3-დან 6 ივლისამდე წვიმას, ქარის გაძლიერებასა და ზოგგან ელჭექსაც ელოდებიან. ტემპერატურა +20+25 გრადუსის ფარგლებში იქნება. 6 ივლისიდან გამოიდარებს და ჰაერის ტემპერატურაც მოიმატებს.
ამ დროს, ევროპის დიდი ნაწილი მოექცა ძლიერ ანტიციკლონურ ზონაში, რაც ნიშნავს, რომ მაღალი წნევის სისტემა ცხელ ჰაერს გადადგილების საშუალებას არ აძლევს. შედეგად, ცხელ ჰაერს “იჭერს” და ტემპერატურა დღითიდღე მატულობს. ეს სტაბილური სიცხე ბლოკავს ატმოსფერულ ცირკულაციას და ცივი ჰაერის მასების სამხრეთით გავრცელებას.
