PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ უჩვეულო და სახალისო საახალწლო ტრადიციებს.
კოლუმბიელებისთვის წარმატების ფერი თუ ყვითელია, იტალიელებისთვის წითელი ნაყოფიერებასთან და სიყვარულთან ასოცირდება, რა მიზეზითაც იტალიაში წითელი საცვლების ტარებაა საახალწლოდ მიღებული. ნაყოფიერებასთან მჭიდრო სიმბოლური კავშირის გამო, ქალები ხშირად სწორედ იმ მიზნით იცვამენ დღესასწაულზე წითელ საცვლებს, რათა მომავალი ახალი წელი ოჯახის კიდევ ერთ პატარა წევრთან ერთად იზეიმონ. საცვლების ფერთან ერთად, ერთ-ერთი უჩვეულო იტალიური ტრადიცია ნეაპოლში იღებს სათავეს, სადაც მოქალაქეები გამოუსადეგარ და დაძველებულ ავეჯს ფანჯრებიდან ისვრიან გასული წლის გასტუმრებისა და სიახლეების მომტანი წლისთვის მზადყოფნის სიმბოლოდ. რა თქმა უნდა, ტრადიციასთან დაკავშირებული საფრთხეების გათვალისწინებით, მცხოვრებლები ძირითადად რბილ და პატარა ავეჯს ემშვიდობებიან ამ გზით, მაგრამ წინასაახალწლოდ იტალიაში ჩასულ სტუმრებს სიფრთხილე ნამდვილად არ აწყენთ დღესასწაულის წინა ღამეს ქუჩებში სეირნობისას.
უშუალოდ ახალი წლის დასახვედრად კი ვენეციის მთავარ მოედან პიაცა სან მარკოზე შეკრებილი ადამიანები ფეიერვერკებთან და სხვა სადღესასწაულო ღონისძიებებთან ერთად, არ ღალატობენ ტრადიციას − „კოცნა ვენეციაში“, რომელიც ახალი წლის შეხვედრას საყვარელი ადამიანის ან ადამიანების კოცნით ჯადოსნურობას სძენს.
