საქართველოში საპროექტო-სამშენებლო ბაზარი კონკურენტუნარიანი და მრავალფეროვანია. ჩვენ გიამბობთ ერთ-ერთი წარმატებული საპროექტო-სამშენებლო კომპანიის, „როი ბ ჯგუფის“ შესახებ, რომელიც ბაზარზე გამოირჩევა „ერთი ფანჯრის პრინციპით მომსახურებით“. აღნიშნული მომსახურების მთავარი მიზანი მომხმარებლისთვის პროცედურის გამარტივება და დროის დაზოგვა იყო. ამ თემაზე უფრო ვრცლად „როი ბ ჯგუფის“ წევრები გვესაუბრნენ.
ნანუკა დუმბაძე, სერვისების გაყიდვების მენეჯერი: მცირე ასაკიდან ვარ დაინტერესებული გაყიდვების მიმართულებით, რადგან ყოველთვის მიზიდავდა ხალხთან კომუნიკაცია, აზრების გაცვლა, ახალი იდეების მოსმენა და ახალი სტრატეგიების დაგეგმვა.
როგორც „როი ბ ჯგუფის სერვისების“ გაყიდვების მენეჯერმა, უპირველესად, მინდა აღვნიშნო ის გუნდი, რომელიც ქმნის „როი ბ ჯგუფს“, ადამიანები, რომელთაც აერთიანებთ ერთი ღირებულებები და თითოეული მათგანი ჩართულია ყველა დეტალში. რაც შეეხება ჩვენს სერვისებს, ჩვენი მთავარი ამოცანა იყო მომხმარებლისთვის შეგვეთავაზებინა მოქნილი, მარტივი და სწრაფი მომსახურება. ჩვენ გაერთიანებული გვაქვს ექვსი ძირითადი სერვისი და პოტენციურ მომხმარებლებს ვთავაზობთ ერთი ფანჯრის პრინციპით მომსახურებას, რაც გულისხმობს დროისა და ენერგიის დაზოგვასა და ფინანსების სწორად განაწილებას. სერვისები მოიცავს: საინვესტიციო მიწის ნაკვეთის შერჩევას, პროექტირებას/დიზაინს, პროექტის ფინანსურ-ეკონომიკურ ანალიზს, ნებართვის მოპოვებას მუნიციპალურ ორგანოებში, მშენებლობასა და დასრულებული ობიექტების ექსპლუატაციაში შეყვანას, რომელშიც ჩაშლილია სერვისების სრულყოფილად სარგებლობისთვის საჭირო ყველა მომსახურება.
„როი ბ ჯგუფში“ პრიორიტეტს ვანიჭებთ მომხმარებლის კმაყოფილებას პერსონალიზებული სერვისით და არქიტექტურული ტენდენციებისა და მიღწევების ღრმა გაგებით. იქნება ეს საცხოვრებელი, კომერციული თუ სამრეწველო პროექტები. ჩვენ უზრუნველვყოფთ, რომ თითოეული დიზაინი არა მხოლოდ აკმაყოფილებდეს ფუნქციურ მოთხოვნებს, არამედ შეუფერხებლად ინტეგრირდებოდეს მის გარემოში.
ჩვენ ვაგრძელებთ ინოვაციებს და ვიკვლევთ ახალ შესაძლებლობებს არქიტექტურულ დიზაინსა და მომხმარებელთან მომსახურებაში. ჩვენი მიზანია არა მხოლოდ დავაკმაყოფილოთ, არამედ განვსაზღვროთ ჩვენი მომხმარებლების მოთხოვნილებები იმის უზრუნველსაყოფად, რომ ჩვენი ყოველი პროექტი არის ჩვენი სრულყოფილებისა და ერთგულების დასტური.
დათო ართმელაძე, მთავარი არქიტექტორი: „როი ბ ჯგუფი“ მშენებლობასთან ერთად გთავაზობთ საპროექტო მომსახურებასაც. როგორც არქიტექტორებს, გვაქვს დიდი პასუხისმგებლობა, რომ ჩვენი დიზაინის საშუალებით ჩამოვაყალიბოთ კომპანიის წარმატებული არქიტექტურული მომავალი. თამამად შეიძლება ითქვას, რომ კონცეფციის შექმნიდან პროექტის დასრულებამდე ჩვენი როლი უმნიშვნელოვანესია.
რა თქმა უნდა, სასიხარულოა, როდესაც ჩვენ მიერ შექმნილი შენობები გადადის მშენებლობის ფაზაში და მოდის სისრულეში. არქიტექტურა ჩვენი კომპანიის უმნიშვნელოვანესი ნაწილია, საიდანაც იწყება ჩვენს პოტენციურ პარტნიორებთან ურთიერთობა.
არქიტექტორთა გუნდს უწევს ურთულესი პროცესების გავლა, დამკვეთის სურვილებისა და ადგილობრივი გარემოს გათვალისწინება და არქიტექტურული სცენარისა და ღირებულებების შექმნა, რადგან შენობა იყოს უფრო მიმზიდველი და არ ეწინაღმდეგებოდეს არქიტექტურულ პრინციპებს. ამ ყველაფრის გათვალისწინების შემდეგ კი, მნიშვნელოვანია დაცული იყოს კანონმდებლობით გათვალისწინებული ყველა წესი.
ამ წლების განმავლობაში „როი ბ ჯგუფმა“ დააგროვა საკმაოდ დიდი გამოცდილება ამ სფეროში. მოგვიწია უამრავ პროექტზე მუშაობამ, როგორიცაა: 47-სართულიანი სასტუმრო კომპლექსი GEUZ-ი ქალაქ ქობულეთში, საცხოვრებელი ვილების კომპლექსი „ვილა კოლხეთი“ დაბა მახინჯაურში, სასტუმრო აპარტამენტების კომპლექსი მწვანე კონცხის დასახლებაში და სხვა უამრავი მრავალბინიანი და ინდივიდუალური საცხოვრებელი სახლების პროექტები საქართველოს მასშტაბით. საბოლოოდ, ეს ყველაფერი იმ პროფესიონალების დამსახურებაა, რომლებმაც მიიღეს მონაწილეობა და ჩადეს თავიანთი ცოდნა და ენერგია კომპანიის შენებასა და განვითარებაში. ძალა ერთობაშია.
ნიკა ჩხაიძე, მთავარი ინჟინრის დამხმარე: როგორც ინჟინერს, რომელიც სპეციალიზებულია სამშენებლო პროექტებში, მაქვს შესაძლებლობა, მივიღო მნიშვნელოვანი გადაწყვეტილებები სამშენებლო პროცესში და მივაწოდო ინფორმაცია ხელმძღვანელობას, რომელიც დაგვეხმარება მშენებლობის პროცესის მარტივად და სწორად წარმართვაში.
„როი ბ ჯგუფის“ ერთ-ერთი ბოლო პროექტია „ვილა კოლხეთი“, რომლის მშენებლობაც პროცესშია, ჩვენი გუნდი კი დაუღალავად შრომობს, რათა მშენებლობის სხვადასხვა ეტაპი დროულად, ხარისხიანად და ეკოლოგიურად შესრულდეს.
ეს პროექტი რთული არქიტექტურით გამოირჩევა, რომელსაც სამშენებლო გუნდი უსაფრთხოდ, ინოვაციურად და ხარისხიანად ასრულებს.
ROI B GROUP-ში პრიორიტეტს ვანიჭებთ დამკვეთთან ურთიერთობას, რომელიც მნიშვნელოვან როლს თამაშობს პროექტის სწორად განვითარებაში. ჩვენი სამუშაო პროცესი შეესაბამება დამკვეთთა ხედვას, ადგილობრივ გარემოსა და მათ პრინციპებს. ინდივიდუალური საცხოვრებელი პროექტებიდან დაწყებული მრავალსართულიანი საცხოვრებელი თუ სასტუმრო კომპლექსებით დამთავრებული, ჩვენი მიდგომა ხაზს უსვამს სამშენებლო პროცესის ეფექტურობას, შენობა-ნაგებობის მდგრადობასა და სამშენებლო ხარჯების სწორად განაწილებას.
ვცდილობთ, ფეხი ავუწყოთ თანამედროვე ტენდენციებს და დავნერგოთ ინოვაციები, რომელიც ინჟინრებს სამშენებლო პროცესს გაგვიმარტივებს. ჩემთვის პრიორიტეტია ხარისხიანად და გაწერილ დროში პროექტის დასრულება, სიამოვნებას მანიჭებს მშენებლობის პროექტებში ჩართულობა და ჩემი წვლილის შეტანა.
ტექსტი: სოფიო მალანია
ფოტო: გიორგი კალანდაძე
