33 წლის მომღერალი Rihanna შესანიშნავი გემოვნებით და ჩაცმის სტილით გამოირჩევა. დიდი პოპუულარობიდან გამომდინარე პაპარაცების ობიექტივში ის საკმაოდ ხშირად ხვდება, თუმცა ფანებს იმედებს არასოდეს უცრუებს და მუდამ შესანიშნავად გამოიყურება. გამონაკლისი არც უკანასკნელი შემთხვევა გამხდარა, როდესაც ის ლოს-ანჯელესში, რესტორან Nobu-სკენ მიმავალი შენიშნეს.
მომღერალს თეთრი ორეული, ტოპი და ქვედაბოლო ეცვა, რომელსაც ამავე ფერის, მაღალქუსლიანი ფეხსაცმელი და მწვანე, სპორტული ქურთუკი შეუხამა. იმიჯის სრულყოფილებაში მოსაყვანად Rihanna-მ Louis Vuitton-ის მინი ჩანთა და ოქროს აქსესუარები შეარჩია.
