33 წლის მომღერალი, Rihanna მუსიკალური კარიერის გარდა არაჩვეულებრივი გემოვნებით და ჩაცმის სტილითაა განთქმული. დიდი პოპულარობიდან გამომდინარე პაპარაცების ობიექტივში ის საკმაოდ ხშირად ხვდება, თუმცა ფანებს იმედებს არასოდეს უცრუებს და მუდამ არაჩვეულებრივად გამოიყურება. გამონაკლისი მან არც ახლახანს დაუშვა, როდესაც კალიფორნიაში მდებარე ერთ-ერთ პრესტიჟულ რესტორანს, Nobu-ს ეწვია.
მომღერალმა არჩევანი აბრეშუმის, ბეჟ კაბაზე და ყავისფერ, ტყავის ქურთუკზე შეაჩერა, რომელსაც ბეჟი, მაღალქუსლიანი ფეხსაცმელი ოქროს აქსესუარებთან ერთად შეუხამა.
