9 ნოემბრიდან პლანეტა მერკური რეტროგრადული გახდა, რაც 29 ნოემბრამდე გაგრძელდება. ასტროლოგები ამ პერიოდს რეტროგრადულს უწოდებენ.18 ნოემბრამდე მერკური მშვილდოსნის ნიშანში იმოძრავებს, 19-დან კი მორიელს დაუბრუნდება. ეს მოძრაობა განსაკუთრებულ ატმოსფეროს შექმნის – თავდაპირველად, რეტროგრადული მერკური დაბნეულობას და გაუგებრობებს მოიტანს, თვის ბოლოს კი – შინაგან აღმოჩენებს და ემოციურ აფეთქებებს.
როგორ იმოქმედებს მერკურის რეტროგრადული მოძრაობა ადამიანებზე
მერკურის რეტროგრადული მოძრაობა ხშირად წარუმატებლობების წყებად აღიქმება. ამ პერიოდში ადამიანები ტექნიკის გაუმართაობას, ფრენების დაგვიანებას, შეხვედრების გაუქმებას და სხვა უსიამოვნებებს უჩივიან, თუმცა, ასტროლოგიური თვალსაზრისით, ეს სასჯელი კი არა, ყურადღების გამახვილების დროა. ეს არის დრო, როდესაც სამყარო, გვაიძულებს ძველ საქმეებს გადავხედოთ და ახალი გადაწყვეტილებების მიღება სამომავლოდ გადავდოთ.
რა გავაკეთოთ მერკურის რეტროგრადული მოძრაობის დროს?
მერკურის რეტროგრადული მოძრაობის ყველაზე მნიშვნელოვანი წესია არა მასთან ბრძოლა, არამედ მისი ენერგიის გამოყენება. ამ დროს ხელსაყრელია:
ძველ პროექტებთან, იდეებთან და გეგმებთან დაბრუნება.
არეული ელ.ფოსტისა და საბუთების მოწესრიგება.
ურთიერთობების ხელახლა შეფასება და მათი მნიშვნელობის გაგება.
სწავლის განახლება.
ეს ასევე მშვენიერი დროა დალაგებისთვის – არა მხოლოდ ნივთების, არამედ გონებისაც.
რისი გაკეთება არ შეიძლება მერკურის რეტროგრადული მოძრაობის დროს
თუ სწრაფად მოქმედებას ხართ მიჩვეული, რეტროგრადული მერკური კარგი მოკავშირე არ იქნება. ეს პერიოდი მნიშვნელოვანი ცვლილებებისა და იმპულსური გადაწყვეტილებებისთვის არ გამოდგება. ამმ დროს არ შეიძლება:
აღჭურვილობის, გაჯეტების და ავტომობილების შეძენა – არსებობს რისკი, რომ იმედგაცრუებული დარჩებით.
მნიშვნელოვანი გადაწყვეტილებების მიღება.
ახალი პროექტების დაწყება.
დიდი თანხების ინვესტირება ან გრძელვადიანი ხელშეკრულებების ხელმოწერა.
ზოგადი რჩევები 2025 წლის 9-29 ნოემბრისთვის
ნუ იჩქარებთ. ნებისმიერ წამოწყებას გააზრება და დამუშავება სჭირდება. მოვლენებს ნუ დააჩქარებთ, განსაკუთრებით თუ შინაგან წინააღმდეგობას გრძნობთ.
ყველა ინფორმაცია ყურადღებით გადაამოწმეთ. საბუთები, მიმოწერა, ტექნიკური დეტალები ყველაფერი კარგად უნდა გადაიკითხოთ. ამ დღეებში დაშვებულ შეცდომებს განსაკუთრებით უსიამოვნო შედეგები მოჰყვება.
წარსულის დაბრუნება – ძველი პროექტები, იდეები, ნაცნობები, გრძნობებიც კი შეიძლება მოულოდნელად დაბრუნდეს.
მსხვილი შესყიდვები სულ მცირე, დეკემბრის შუა რიცხვებამდე გადაიტანეთ.
იზრუნეთ თქვენს ნერვულ სისტემაზე. ინფორმაციის ნაკადები ფერხდება, ტექნიკა ფუჭდება და ადამიანებში ურთიერთგაგება იკლებს ამიტომ უმჯობესია გაჩუმდეთ, ვიდრე მოგვიანებით თავი იმართლოთ.
ასევე დაგაინტერესებთ
