თავის სწორად მოვლა ჩვენი სილამაზისა და ჯანმრთელობის გარანტიაა. იმისათვის, რომ ამ ხანგრძლივ პროცესში შეცდომა არ დავუშვათ, საჭიროა მოვუსმინოთ ექსპერტებს და პრაქტიკაში გადმოვიტანოთ ის რჩევები, რომლებსაც ისინი გვაძლევენ. OK! გთავაზობთ მოსაზრებებს, რომელთა გათვალისწინებაც გაგიუმჯობესებთ ჯანმრთელობას და უფრო მეტად თავდაჯერებულს გაგხდით.
დასვენება
დასვენება ადამიანის ორგანიზმს ეხმარება ტვინის სწორად ფუნქციონირებასა და მრავალი დაავადების თავიდან აცილებაში. ექიმები აღნიშნავენ, რომ ზრდასრულ ადამიანს დღე-ღამის განმავლობაში საშუალოდ 8 საათი უნდა ეძინოს, რათა სხეულმა და გონებამ დასვენება შეძლოს. ამ რჩევის გათვალისწინება დაგეხმარებათ უკეთესი ხასიათის ფორმირებასა და ჯანმრთელობის შენარჩუნებაში.
ქვედა კიდურების მოვლა
21-ე საუკუნეში გადატვირთული გრაფიკით ვერავის გავაკვირვებთ: სამსახური, საყიდლები, ბავშვის მოვლა და ასე გრძელდება განუწყვეტლივ მანამ, სანამ არ აღმოვაჩენთ თუ რამხელა პრობლემის წინაშე დაგვაყენა ჩვენივე გაუფრთხილებლობამ. დაღლილი ფეხები, სიმძიმის შეგრძნება ქვედა კიდურებში, შეშუპება და დისკომფორტი – ვენური უკმარისობის სიმპტომებია. იმისთვის, რომ შევინარჩუნოთ ჯანმრთელი და ლამაზი ქვედა კიდურები ექიმები რეკომენდაციას უწევენ ჰეპარინის მაღალკონცენტრირებულ გელს ადგილობრივი გამოყენებისთვის.
თავის მოვლის საშუალებების სწორად შერჩევა
ხშირად ქალბატონები და არა მარტო ისინი თავის მოვლის საშუალებების შერჩევისას ისეთ შეცდომებს უშვებენ, რომელთა გამოსწორებაც შემდგომ დიდ ენერგიას და მატერიალურ სახსრებს უკავშირდება. იმისთვის, რომ აღნიშნული პრობლემა თავიდან აიცილოთ, სასურველია, საწყის ეტაპზე ვიზიტი ექიმთან, რათა დაადგინოთ ის პროდუქტი, რომლის გამოყენებაც შემდგომში თქვენთვის ეფექტიანი და უსაფრთხო იქნება.
