ჟურნალი OK გიამბობთ პრემიუმ კლასის სასტუმროზე, რომელიც მდებარეობს ქალაქ ქუთაისის ისტორიულ ნაწილში და წარმოდგენილია 100 სხვადასხვა კატეგორიის ნომრით. სტუმარს აქ დახვდება ულამაზესი გარემო, ხუთვარსკვლავიანი კომფორტი და დახვეწილი ინტერიერი. სასტუმრო „ქუთაისი ინნ“ მიმზიდველია საქმიანი შეხვედრებისა და სხვადასხვა კორპორაციული ღონისძიებების ჩასატარებლადაც. სასტუმრო ხშირად მასპინძლობს როგორც საერთაშორისო, ისე ადგილობრივ სტუმრებსაც.
რა იყო კომპანია „ინნ ჯგუფის სასტუმროების“ მიზანი?
ერთ-ერთი მიზანი ქვეყნის მასშტაბით სხვადასხვა რეგიონში კომპანიის ბრენდის სასტუმროების გახსნა და ადგილობრივი მოსახლეობის დასაქმება იყო, სადაც დამსვენებლებს შევთავაზებდით მაქსიმალურ კომფორტს და ადგილმდებარეობის ღირსშესანიშნაობების გაცნობის საშუალებას. ქუთაისში „ქუთაისი ინნ“-ის გახსნის მთავარი ამ მხარის უზარმაზარი ტურისტული პოტენციალი გახლდათ. ქუთაისსა და მის შემოგარენში უამრავი ღირსშესანიშნაობაა, რომელიც უცხოელებსაც და ადგილობრივ დამსვენებლებსაც ერთნაირად ხიბლავდათ. ქუთაისის ტურისტული პოტენციალის გაღვიძებას საერთაშორისო აეროპორტიც უწყობს ხელს.
სასტუმროს დიზაინის შექმნაში შეტანილია ქუთაისური ელემენტები?
„ქუთაისი ინნ“-ის დიზაინის შექმნისას მაქსიმალურად ვეცადეთ მოვრგებულიყავით ქუთაისის ისტორიულ უბანს და ფერებიც ბაგრატის ტაძრის შესაბამისი ავარჩიეთ. ჩვენი დიდი სურვილი იყო, რომ სასტუმროს ხასიათიც კი ქუთაისური ჰქონოდა. დამატებით ერთ-ერთი, რასაც ყურადღება მივაქციეთ, იყო კოლორიტული კიბეები, იგივე ბალახვნის კიბეები, რომელიც არის 100-საფეხურიანი და თითქმის 100 წელს ითვლის, გვინდოდა ამ ისტორიულ ნაწილთან ურთიერთშერწყმით ღირებული არქიტექტურა შეგვემატებინა ქალაქისთვის. ამასთან, კომპანია „ინნ ჯგუფის სასტუმროები“ „ქუთაისი ინნ“-ის დაარსებისას ითვალისწინებდა მომავალი მომხმარებლების სურვილებსაც. ჩვენთვის მნიშვნელოვანი იყო, რომ სტუმარს შესძლებოდა ესარგებლა ბარის მომსახურებით, როგორც შიდა, ისე გარე სივრცეებში. იქიდან გამომდინარე, რომ თვითონ ადგილმდებარეობაც ხელს გვიწყობდა და მწვანე საფარიც ჩვენი დიზაინის ნაწილია, გადავწყვიტეთ სასტუმროს გამწვანებული ტერასა ჰქონოდა.
სასტუმროს გამორჩეული მხარეები…
სასტუმროს კონცეფცია, რა თქმა უნდა, პირველ რიგში, არის სასტუმროების კომფორტი. „ქუთაისი ინნ“ არის სასტუმრო 5-ვარსკვლავიანი სერვისებით, რაც უზრუნველყოფს მათ დასვენებასა და კეთილდღეობას. დამატებით, ეს არის სიმყუდროვე. სასტუმრო ქალაქის ცენტრთან ახლოს, კოლორიტულ უბანში მდებარეობს, მაგრამ, ამავე დროს, ქალაქის ხმაურისგან მაქსიმალურად დაცულია.
გარდა იმისა, რომ „ქუთაისი ინნ“ დასასვენებლად იდეალური გარემოა, რა აქტივობების ჩატარება შეიძლება სასტუმროში?
აეროპირტის მახლობლად „ქუთაისი ინნ“-ის მდებარეობა ითვალისწინებს მოგზაურთა საჭიროებებს, სთავაზობს მათ მოსახერხებელ ადგილს დასასვენებლად, უცხო ქვეყნებიდან ჩამოსვლისას ან გამგზავრებამდე. ,,ქუთსისი ინნ“ არა მხოლოდ დასვენების, არამედ საქმიანი შეხვედრებისა და კორპორაციული ღონისძიებების ადგილიცაა. ბიზნესისა და საქმიანი შეხვედრებისთვის სასტუმრო სტუმრებს სთავაზობს ყველა საჭირო ინვენტარით აღჭურვილ საკონფერენციო სივრცეებს.
რა აერთიანებს „ქუთაისი ინნ“-ს?
ერთ-ერთი მნიშვნელოვანი კონცეფცია არის მწვანე ფერის შერწყმა სასტუმროს ექსტერიერსა და ინტერიერში. ბუნების ელემენტების შემოსვლა ქმნის მშვიდ და სასიამოვნო ატმოსფეროს. მთლიანობაში, სასტუმროს კონცეფცია აერთიანებს სტუმრებისთვის მაქსიმალურ კომფორტს, ინდუსტრიაში დანერგილ მაღალ სტანდარტებს, მრავალფეროვან სერვისებს, სიმყუდროვეს და სტუმრებზე მორგებულ საჭიროებებს. პირველ რიგში, ჩვენს მომსხურებასა და სტუმრებთან ურთიერთობაში ჩავაქსოვეთ იმერული სტუმარმასპინძლობა, რითაც ასე ვამაყობთ ქართველები. ინტერიერიდან დაწყებული, თანამშრომლების ჩათვლით, ვცდილობთ სტუმარს ვაგრძნობინოთ, თუ რა არის 5-ვარსკვლავიანი გარემო და მაქსიმალურად კმაყოფილი და ნასიამოვნები დავტოვოთ ისინი. იმერული სტუმარმასპინძლობისა და ინდუსტრიისთვის დამახასიათებელი სტანდარტების სინთეზი კი ყველა სტუმარს ხიბლავს და უძლიერებს საქართველოსადმი თბილ დამოკიდებულებას.
როგორია თქვენი სტუმრების შეფასებები?
ჩვენთვის, როგორც 5-ვარსკვლავიანი სასტუმროსთვის, ყველა სტუმარი ინდივიდუალური და განსაკუთრებულია, შესაბამისად, ყველა სერვისი თუ პირობა მათ კომფორტსა და სიამოვნებაზეა მორგებული. „ქუთაისი ინნ“, პირველ რიგში, არის ყველაზე დიდი სასტუმრო ქალაქში. ის შეფასებები და დამოკიდებულება, რაც დამსვენებლებისგან მოდის, სიამაყით გვათქმევინებს, რომ „ქუთაისი ინნ“ არის ქუთაისში საუკეთესო სასტუმრო თავისი სტანდარტებით. ჩვენ ვცდილობთ, რომ იმ რესურსების გათვალისწინებით, რაც გაგვაჩნია, სტუმარს მაქსიმალურად კომფორტული დასვენება შევთავაზოთ.
სასტუმროს სამომავლო გეგმები…
განსაკუთრებული სიახლე გვაქვს 2025 წლის ივლისში. „ქუთაისი ინნ“-ის ეზოში გაიხსნება ნებისმიერი სეზონისთვის მორგებული დახურული აუზი და სპა-ცენტრი, სადაც თითოეულ სტუმარს პროფესიონალები მოემსახურებიან. გამომდინარე იქიდან, რომ ქალაქში არ არის ბევრი აუზი და მასზე მოთხოვნა საკმაოდ დიდია, აუზით სარგებლობა შეეძლებათ არა მარტო დამსვენებლებს, არამედ ადგილობრივ მოსახლეობასაც. აგრეთვე, სასტუმროს ემატება სავარჯიშო დარბაზი, რომელიც იქნება ყველა საჭირო ინვენტარით აღჭურვილი. ზაფხულში, თბილ ამინდსა და სიმწვანეში კი, სასტუმროს სტუმრები შეძლებენ ტერასაზე დასვენებას და უგემრიელესი განახლებული მენიუს დაგემოვნებას.
ჩვენი სასტუმრო ჰპირდება ყველას, რომ მეტ სიახლეს შევთავაზებთ და ჩვენთვის ისინი ყოველთვის განსაკუთრებული დარჩებიან. ჩვენ არ ვკმაყოფილდებით მიღწევებით და მუდამ ვფიქრობთ ჩვენივე სერვისების გაუმჯობესებაზე.
ტექსტი: მარიშა ანთია
