ამერიკული საერთაშორისო Სკოლა Პროგრესი წლიდან წლამდე ზრდის ლიდერების რაოდენობას, რომლებიც მუდამ მოწინავე პოზიციებზე გვხვდებიან და თანამედროვე სამყაროს ნებისმიერ გამოწვევას უმკლავდებიან როგორც ადგილობრივ, ისე საერთაშორისო ასპარეზზე.
2023-24 სასწავლო წელი უპრეცედენტო შედეგებით დასრულდა – სამივე სკოლის (ქუთაისი, თბილისი, ბათუმი) 15 კურსდამთავრებული ევროპისა და ამერიკის სხვადასხვა წამყვან უნივერსიტეტში სრული ან ნაწილობრივი დაფინანსებით ჩაირიცხა. გიზიარებთ საუკეთესო შედეგების მქონე პროგრესელების წარმატებას:
მუალლა სუდე დემირი $225,000 დაფინანსებით და სტიპენდიით სწავლას University of Toronto-ში გააგრძელებს, რომელიც #1 უნივერსიტეტია კანადაში, ხოლო მსოფლიოს მასშტაბით 21-ე ადგილს იკავებს რეიტინგში.
ანეტი ჭყოიძემ მოიპოვა სრული $144 000 დაფინანსება, ასევე, სტიპენდია ნიუ-იორკში, Baruch College-ში.
დავით რუსია 70%-იანი დაფინანსებით გერმანიაში, Constructor University აგრძელებს სწავლას.
საბა ქარაზანაშვილი ჩაირიცხა New York Institute of Technology-ში 60%-იანი დაფინანსებითა ($120,000) და სტიპენდიით.
თემუკა კიკვაძე სწავლას New Jersey Institute of Technology-ში 50%-იანი დაფინანსებით ($80 000) გააგრძელებს.
თომა კილაძე საქართველოს განათლების სამინისტროს ექსკლუზიური უფლებით ერთიანი ეროვნული გამოცდების ჩაბარების გარეშე ჩაირიცხა და ისწავლის თბილისის სახელმწიფო სამეციდინო უნივერსიტეტში დიპლომირებული მედიკოსის პროგრამაზე, 1 წლიანი სრული დაფინანსებით. თომა საქართველოს ეროვნული ოლიმპიადის გამარჯვებული და 2024 წლის ბიოლოგიის ეროვნული ნაკრების წევრია.
საერთაშორისო პროგრამები პროგრესის ძლიერი მხარეა, რომელზე წვდომის შესაძლებლობა მოსწავლეებს საქართველოს სამ მნიშვნელოვან ქალაქში აქვთ – თბილისში, ქუთაისსა და ბათუმში. საერთაშორისო გამოცდებისთვის მოსამზადებელი პროგრამების დახმარებით, ჩვენი მოსწავლეები იძენენ ყველა იმ უნარსა და ცოდნას, რაც საჭიროა გლობალურ ასპარეზზე თავის წარმოსაჩენად. დაწყებული Advanced Placement (AP) კურსებიდან, რომლებიც აღებს საერთაშორისო უნივერსიტეტების კარს, ასევე, დამთავრებული სტანდარტიზებული ტესტებით, როგორიცაა SAT და TOEFL.
ევროპისა თუ ამერიკის მოწინავე უნივერსიტეტებში ჩაბარებისა და დაფინანსების მოპოვებისთვის ერთი მხრივ აუცილებელია არსებული შესაძლებლობების შესახებ ინფორმაციის ფლობა, მეორე მხრივ კი – დროული და სისტემური მომზადება. პროგრესული სასკოლო განათლების ერთ-ერთი უმნიშვნელოვანესი ნაწილი მოსწავლის უნივერსიტეტისთვის მომზადება და ამ პროცესში მხარდაჭერაა. პროგრესის საუნივერსიტეტო ორიენტაციის პროგრამის მეშვეობით, პროგრესელი მოსწავლეებისთვის ბევრად უფრო ეფექტური ხდება უნივერსიტეტებისთვის მზადების პროცესი. Სკოლის საუნივერსიტეტო მრჩეველი ეხმარება დამამთავრებელი კლასის მოსწავლეებს თავიანთ ინტერესებზე მორგებული უნივერსიტეტების პოვნაში, შესაბამისი გამოცდისათვის მომზადებასა და დოკუმენტაციის შეგროვებაში.
