OK! გაესაუბრა „ანაგი დეველოპმენტის“ მარკეტინგის და გაყიდვების დეპარტამენტის წარმომადგენლებს − ნინი მარიამიძესა და ქეთი ადეიშვილს კომპანიის მიერ წარმოდგენილი ახალი პროექტისა და სამომავლო გეგმების შესახებ.
„ანაგი დეველოპმენტი“ 31-წლიანი წარმატებული ისტორიის მქონე სამშენებლო კომპანია „ანაგის“ ახალი მიმართულებაა. კომპანიის სურვილია, შეცვალოს ადამიანების წარმოდგენა სახლზე. სახლი არ არის მხოლოდ ოთხ კედელს შორის მოქცეული სივრცე, რომელიც კვ.მ-ებით იზომება. სახლი არის ემოცია, იმ გარემოსა და ადამიანებისგან, რომლებიც ამ სახლს მოჰყვება. აქედან გამომდინარე, „ანაგი დეველოპმენტი“ მომხმარებლებს სთავაზობს სახლს, რომელიც მაქსიმალურად მორგებულია მათ სურვილებს. Park Home იყო ის კონცეფცია, რომლითაც „ანაგი დეველოპმენტი“ ბაზარზე პირველად 2019 წლის ოქტომბერში გამოჩნდა. ეს არის კონცეფცია, რომელიც მცხოვრებლებს აძლევს საშუალებას იცხოვრონ ქალაქის ცენტრში და ამავდროულად, რეკრეაციასთან ახლოს მეგობრულ, კომფორტულ და სასიამოვნო გარემოში. ვინაიდან დღეს ყველა ჩვენგანს აწუხებს დროის სიმცირის საკითხი, „ანაგი დეველოპმენტმა“ თავისი უნიკალური კონცეფციით მომხმარებლებს შესთავაზა გარემო, სადაც სახლის ტერიტორიიდან გაუსვლელად შეძლებენ განიტვირთონ, გაერთონ და იმუშაონ კიდეც.
„ანაგი დეველოპმენტის“ პირველ პროექტს „Park Home ვაკე“ წარმოადგენს, რომელიც ახლა აქტიური მშენებლობის ეტაპზეა. საოჯახო ტიპის პრემიუმკლასის საცხოვრებელი კომპლექსი მოიცავს ყველაფერს იმისათვის, რომ ოჯახმა ბედნიერად იცხოვროს ქალაქის ცენტრში და ამასთანავე, ბუნებასთან ახლოს.
მიუხედავად ბაზარზე პანდემიით გამოწვეული მძიმე მდგომარეობისა, „Park Home ვაკის“ მიმართ გაჩენილმა მაღალმა ინტერესმა, კომპანია დაარწმუნა, რომ აუცილებელი იყო მსგავსი კონცეფციის კიდევ ერთი პროექტის დამატება. „Park Home საბურთალო“ მეტროსადგურ „დელისიდან“ მხოლოდ 300 მეტრის დაშორებით მდებარეობს. „Park Home ვაკის“ მსგავსად, „Park Home საბურთალო“ არის შესაძლებლობა, იცხოვროთ ქალაქის ცენტრში, ფეხი აუწყოთ მის რიტმს და ამავდროულად, მშვიდმა და დასვენებაზე ორიენტირებულმა გარემომ თავი ქალაქისგან მოშორებით, სპეციალურად თქვენთვის შექმნილ ადგილას გაგრძნობინოთ. აქ ყველაფერია იმისათვის, რომ იცხოვროთ კომფორტულად, მშვიდად, და დატკბეთ ყოველი დღით. 2 აუზი, ფიტნესდარბაზი, საბავშვო და სპორტული მოედნები − ეს კომპლექსის ინფრასტრუქტურის მხოლოდ მცირე ჩამონათვალია. „Park Home საბურთალოს“ კიდევ ერთ უპირატესობას წარმოადგენს 4 000 მ2-მდე ფართის პარკი, რომელიც კომპლექსის წინ მდებარეობს და რომლის გამწვანებაზეც მშენებლობის დასრულების შემდეგ, ქალაქთან ერთად, „ანაგი დეველოპმენტიც“ იზრუნებს.
„Park Home საბურთალოს“ ფასი, მიმდებარე ტერიტორიაზე მშენებარე ბინების ფასისგან განსხვავებულია, რადგან გარდა კომპლექსის მდიდარი ინფრასტრუქტურისა, „ანაგი დეველოპმენტის“ გუნდმა გაითვალისწინა ყველა ის დეტალი, რამაც შესაძლოა დისკომფორტი შეუქმნას მომავალ მობინადრეებს და გადაწყვიტა შესთავაზოს თავის მომხმარებელს სრულად გარემონტებული ბინა, რომელიც მოიცავს გათბობის მთლიან სისტემას, სრულად მოწყობილ სველ წერტილებს და იტალიური სამზარეულოს ავეჯს, ჩაშენებული გაზქურით, ღუმელითა და გამწოვით. სასურველი რემონტისთვის მაღალი ხარისხის ევროპული მასალების შერჩევას, მომხმარებელი კომპანიის მიერ მოწყობილ შოურუმში შეძლებს. ბინების გარემონტებული კონდიციით ჩაბარება ძალზე მნიშვნელოვანია, რადგან მომავალი მობინადრეები არასდროს შეწუხდებიან მეზობლების რემონტით გამოწვეული ხმაურით თუ დისკომფორტით. „Park Home საბურთალოზე“ სასურველი ბინის შერჩევა მარტივია, რადგან აქ ფართებისა და გეგმარების დიდი არჩევანია. აუცილებლად აღსანიშნავია ხედები, რომელიც კომპლექსიდან იშლება. 29-სართულიან შენობაში საცხოვრებელი ფართები მხოლოდ მე-8 სართულიდან იწყება, რაც თავისთავად, ხედის გარანტიაა.
„Park Home საბურთალოს“ მომავალ მობინადრეებს ეძლევათ შესანიშნავი შესაძლებლობა, 31 მაისამდე ისარგებლონ სააღდგომო შეთავაზებით, შეიძინონ ბინა 10%-იანი ფასდაკლებით და ისარგებლონ გადახდის განსაკუთრებული პირობით.
კომპანია მომხმარებლებს სთავაზობს როგორც ერთიანი გადახდის პირობას, ასევე 30-თვიან შიდა უპროცენტო განვადებას. პირველადი შენატანი შეადგენს ბინის ღირებულების მხოლოდ 20%-ს, 30% კი ნაწილდება 30 თვეზე, ხოლო დარჩენილი 50%-ის გადახდა მომხმარებლებს შეუძლიათ 30-ე თვეს, კომპლექსის დასრულების შემდეგ, როდესაც გადაეცემათ უკვე სრულად გარემონტებული ბინა. ეს დამატებითი გარანტიაა იმისა, რომ მშენებლობის პროცესი და სარემონტო სამუშაოები დასრულდება წინასწარ შეთანხმებულ ვადებში. პროექტის დასრულების ვადა 2023 წლის სექტემბერია.
მომხმარებელთა მაღალი ინტერესიდან გამომდინარე, „ანაგი დეველოპმენტი“ უკვე აქტიურად მუშაობს სამომავლო პროექტებზე.
ტექსტი: მარიამ მთივლიშვილი
