Paraco უკვე ერთი წელია ერთგულად ემსახურება მომხმარებლებს და მათ სთავაზობს მაღალ სტანდარტს მორგებულ სამზარეულოსა და აბაზანის ავეჯს. მისი შოურუმი 12 ივნისს ავეტიკ ისაკიანის ჩიხის N2-ში საზეიმოდ გაიხსნა, სადაც წარმოდგენილია Paraco-ს ნამუშევრები. დეტალური ინფორმაციისთვის OK! გაესაუბრა Paraco-ს მარკეტინგის დეპარტამენტის ხელმძღვანელს, თათია მიხელიძეს.
სულ ცოტა ხნის წინ საზეიმოდ გახსენით Paraco-ს საწარმო და შოურუმი. გვესაუბრეთ ამასთან დაკავშირებით.
მოგეხსენებათ, Paraco საქართველოში ერთი წლის წინ დაარსდა, ფერეიდნელი ქართველების მიერ. კომპანიას თავიდანვე დიდი გეგმები ჰქონდა, თუმცა „კოვიდ-19“-თან დაკავშირებულმა რეგულაციებმა და შექმნილმა ვითარებამ გვაიძულა ნელი ნაბიჯებით დაგვემკვიდრებინა თავი ავეჯის წარმოების ბაზარზე. ერთი მხრივ, ყოველივე ეს კარგიც კი იყო, რადგან გვქონდა დრო, კარგად გაგვეაზრებინა და სწორად გვეპასუხა მომხმარებლის დაკვეთისთვის, რომელიც ნამდვილად მრავალფეროვანი და ძალიან ინდივიდუალურია. როგორც კი ეკონომიკური შეზღუდვები შემსუბუქდა, ჩვენმა გუნდმა მაშინვე დაიწყო მზადება ოფიციალური გახსნისთვის და მომხმარებლის ფართო მასისთვის ჩვენი პროდუქციისა და შესაძლებლობების წარსადგენად.
12 ივნისს Paraco საზეიმოდ გაიხსნა. ღონისძიება გაიმართა თბილისში, ავეტიკ ისაკიანის ჩიხი N2-ში. სტუმრებს შესაძლებლობა ჰქონდათ დასწრებოდნენ ინფოტურს საწარმოში და დაეთვალიერებინათ ჩვენი ნამუშევრები შოურუმში. მათ პირადად ხვდებოდნენ კომპანიის დამფუძნებლები და უზიარებდნენ მნიშვნელოვან და საინტერესო ამბებს Paraco-ს გეგმებზე საქართველოში და არა მხოლოდ. მოწვეულ სტუმართა შორის იყვნენ საქართველოს ეკონომიკის სამინისტროს წარმომადგენლები, სხვადასხვა დარგის ბიზნესის მენეჯერები, ტელევიზიისა და ბეჭდური მედიის თანამშრომლები.
გვესაუბრეთ იმ პროდუქციასთან დაკავშირებით, რომელიც წარმოდგენილია Paraco-ს შოურუმში.
შოურუმში განთავსებულია ნიმუშები Paraco-ს 2021 წლის სამზარეულოსა და სააბაზანოს კოლექციიდან. ასევე, საგარდერობო ოთახის ავეჯი და Hyundai-ს ბრენდის კორიანის ქვის მასალები, რომლის იმპორტსაც ექსკლუზიურად ჩვენ ვახორციელებთ საქართველოში. კორიანის ქვის გამოყენება მრავალი მიმართულებით არის შესაძლებელი, მისი თვისებებიდან გამომდინარე, თუმცა ჩვენს კოლექციაში ყველაზე ხშირად სამზარეულოს ზედაპირის, სააბაზანოს ავეჯისა და სასადილო მაგიდის დიზაინში შეხვდებით. აღსანიშნავია ის ფაქტიც, რომ Paraco-ს სამზარეულო იტალიური სტანდარტის სრული დაცვით და მაღალი ხარისხის მასალებით მზადდება.
მთავარი ნიშა, რომელიც Paraco-ს პროდუქციას გამოარჩევს…
მთავარი ნიშა, რომელიც ჩვენს პროდუქციას გამოარჩევს, უპირველესად, ეს არის საწარმო, რომელიც უახლესი დანადგარებითაა აღჭურვილი, სრულად ავტომატიზებულია და ადამიანური ფაქტორით გამოწვეული შეცდომის დაშვების ალბათობა მინიმუმამდე გვაქვს დაყვანილი. საწარმოს უდიდესი შესაძლებლობები გვაძლევს საშუალებას, შეკვეთის შესრულების დრო რამდენიმეთვიანი ლოდინის ნაცვლად, 2-3 კვირამდე დავიყვანოთ. ამასთან, ჩვენი კომპანიის დამფუძნებლების მეგობრული და მრავალწლიანი პარტნიორული ურთიერთობა მსოფლიოს წამყვან ბრენდებთან, საშუალებას გვაძლევს მაქსიმალურად მოვერგოთ მომხმარებლის ბიუჯეტს.
გვიამბეთ საწარმოში მომუშავე თანამშრომლების შესახებ.
ზოგადად, ჩვენს კომპანიაში, ვცდილობთ გენდერული ბალანსი მაქსიმალურად იყოს დაცული და ამასთან, ხელი შევუწყოთ ქალების განვითარებას ჩვენს ბიზნესში. კომპანიაში, 9 დეპარტამენტიდან 4-ს სწორედ ქალბატონები ვხელმძღვანელობთ. საწარმოშიც დასაქმებული გვყავს გოგონები, რომლებსაც ძალიან მოსწონთ საკუთარი საქმე და განვითარებასაც ამ მიმართულებით გეგმავენ. აქტიურად ვთანამშრომლობთ უნივერსიტეტებთანაც, რათა ხელი შევუწყოთ ახალგაზრდების დასაქმებას. Paraco − მულტიკულტურული კომპანიაა, სადაც გამოცდილი, საკუთარ საქმეზე უზომოდ შეყვარებული ადამიანები არიან დასაქმებულნი.
სამომავლო გეგმები.
გეგმები ნამდვილად დიდი გვაქვს. უახლოესი 2 წლის განმავლობაში, დაგეგმილია საქართველოში ყველაზე დიდი საწარმოს და შოურუმის აშენება/მოწყობა, რომელიც ერთგვარ hub-ს შექმნის ჩვენს რეგიონში. სწორედ აქედან განვახორციელებთ ექსპორტს აღმოსავლეთ ევროპის მიმართულებით. დაგეგმილი ინვესტიციების ოდენობა აჭარბებს რამდენიმე ათეულ მილიონ ლარს, რაც, რა თქმა უნდა, ხელს შეუწყობს საქართველოს ეკონომიკისთვის ამ დარგის განვითარებას და დამატებით სამუშაო ადგილების შექმნას.
Paraco-ს საკონტაქტო ინფორმაცია:
Facebook: Paraco
კომპანიის ნომერი: 514 20 02 00
მისამართი: ავეტიკ ისაკიანის ჩიხი N2
ტექსტი: მარიამ რეხვიაშვილი
ფოტო: ალექსეი სეროვი
