80 წლის ქართველი მოჭადრაკე, ნონა გაფრინდაშვილი, რომელიც პირველი ქალი გროსმაისტერია, Netflix–ს ერთ–ერთი ყველაზე პოპულარული სერიალის, “ლაზიერის გამბიტის” გამო უჩივის.
სერიალის ბოლო, ფინალურ ეპიზოდში მოსკოვის საჭადრაკო ტურნირის გამომცხადებელი აღნიშნავს, რომ გაფრინდაშვილი კაც მოთამაშეს არასდროს შეხვედრია – ქართველი მოჭადრაკე კი აცხადებს, რომ ეს სიმართლეს არ შეესაბამება
ნონა გაფრინდაშვილმა ამერიკის ერთ–ერთ უდიდეს სტრიმინგ კომპანიასთან ლოს–ანჯელესის ფედერალურ საოლქო სასამართლოში სამართლებრივი დავა წამოიწყო.
“მრავალმილიონიანი აუდიტორიისთვის დამანგრეველი სიცრუის ჩვენება და მისი მიღწევების გაბათილება” – ნათქვამია საჩივარში. ნონა მისთვის მიყენებული ზარალის ანაზღაურებას და აღნიშნული მონაკვეთის სერიალიდან სრულად ამოღებას ითხოვს.
ქართველი გროსმაისტერის საჩივარს Netflix უკვე გამოეხმაურა და განაცხადა, რომ დიდი პატივისცემის მიუხედავად საჩივარი უსაფუძვლოა და ისინი საკუთარ პოზიციას აუცილებლად დაიცავენ.
გაფრინდაშვილის აზრით სერიალში მისი მიღწევები დამალეს რათა გამოგონილი პერსონაჟი ბეთი ,რომელსა მსახიობი ანია ტეილორ-ჯოი ასრულებს, სენსაციად გამოეყვანად. 25 გვერდიან საჩივარში ასევე აღნიშნულია ის ფაქტიც, რომ 1968 წელს ნონამ ურთულეს ტურნირში სამი კაცი დაამარცხა.
