ნაღებში გამომცხვარი ორაგული
საუკეთესო ორაგული ნორვეგიიდან მოდის, სწორედ ამიტომ გადავწყვიტეთ მათ სამზარეულოში გვემოგზაურა და Leroy-ის ორაგულით ნორვეგიული კერძი მოგვემზადებინა.
ინგრედიენტები:
- ორაგული – 500 გრ;
- კარტოფილი – 500 გრ;
- ყველი გაუდა – 200 გრ;
- ნაღები – 500 მლ;
- კვერცხი – 4ც;
- თევზის საკმაზი;
- ოხრახუში/კამა;
- მარილი (გემოვნებით);
- შავი პილპილი (გემოვნებით).
მომზადების წესი:
წინასწარ ვამარინადებთ ორაგულის ნაჭრებს მარილსა და თევზის საკმაზში, შემდეგ ვახვევთ ფოლგაში და ვდგამთ ღუმელში 200 გრადუსზე, 15 წუთი. ამასობაში, ვთლით კარტოფილს, ვხარშავთ და მოხარშულ კარტოფილს ვჭრით მრგვალ ნაჭრებად.
ნაღებსა და კვერცხს ვთქვეფთ ერთად, ვამატებთ მარილს, შავ პილპილს და დაჭრილ მწვანილს.
აწყობა:
საცხობ ფორმაში ჩავაწყოთ კარტოფილის ნაჭრები, მოვაყაროთ მარილი და შავი პილპილი, მოვაყაროთ გაუდას ყველის კუბები, მოვაყაროთ გამომცხვარი ორაგულის ნაჭრები და მოვასხათ ნაღებისა და ყველის მასა, გამოვაცხოთ ღუმელში 220 გრადუსზე 20-25 წუთი.
სანამ კერძი ცხვება, შეგვიძლია მოვამზადოთ ბროკოლი. გავასუფთავოთ ბროკოლი, დავანაწევროთ და ჩავყაროთ ადუღებულ მარილიან წყალში, გავაჩეროთ მასში 2-4 წუთი და ამოვიღოთ. ბროკოლი მზადაა.
