56 წლის მონიკა ბელუჩი ამჟამად ახალი ფილმის “ჯადოქარი მოდის ღამე 2-ის” გადაღებებზე იმყოფება, რომლისთვისაც რომი შეირჩა. რამდენიმე საათის წინ კი, პაპარაცები მოულოდნელად გადასაღებ მოედანზე აღმოჩნდნენ და პირველად დააფიქსირეს მსოფლიოში ცნობილი ლამაზმანი ჯადოქრის იმიჯით.
როგორც ცნობილია, ფილმში ბელუჩი კეთილი ჯადოქრის – დოლორესის როლს თამაშობს, რომელმაც თავისი ცხოვრება ბავშვებს მიუძღვნა. ფილმი გაგრძელებაა 2018 წელს გადაღებული – ამავე სახელწოდების კინოსურათის, თუმცა მასში მონიკას მონაწილეობა არ მიუღია.
გადაღებები 1-ელ მარტს დაიწყო, ხოლო ფილმის პრემიერა 2021 წლის დასრულებამდე იგეგმება.
