ცოტახნის წინ ქართველმა მოდელმა და ტელეწამყვანმა, ალექსანდრა პაიჭაძემ სოციალური ქსელების მეშვეობით გაგვიზიარა, რომ მეგობარმა მამაკაცმა მას ახალი ავტომობილი, Porsche აჩუქა. ინსტაგრამ გვერდზე ვარსკვლავმა საჩუქრის მიღების ემოციური კადრებიც გამოაქვეყნა. სულ ახლახანს კი ალექსანდრამ კიდევ ერთი სასიხარულო ამბავი გაგვიმხილა და საკუთარი საიდუმლო გათქვა.
ქართველი მოდელი ფეხმძიმედაა, ის მეორე შვილს, გოგონას ელოდება. ამასთან დაკავშირებით მან სოციალურ ქსელებში პოსტი განათავსა და მის მეგობრებს, ოჯახის წევრებსა და გამომწერებს გვერდში დგომისთვის მადლობა გადაუხადა.
„არასოდეს წარმომედგინა, რომ ასეთი მასშტაბური Gender Reveal Party გვექნებოდა, მე და ჩემ სიყვარულებს! მადლობა, ყველას ვინც ჩემი გულითადი საიდუმლო უთქმელად ატარა, მათაც, ვინც უთქმელად ვერ ატარა, მათაც ვინც დაიჯერა, ან არ დაიჯერა, მინდოდა, მხოლოდ დიდი მუცლით დამეანონსებინა ეს სიახლე… მადლობა, ჩემ სიყვარულს, ამხელა ძალისთვის და ჩემი თვითრწმენის უმაღლეს დონეზე გაზრდისთვის, დაფასებისა და მოფრთხილებისათვის..”
“მადლობა, ქალებს, ამ გადაცემამ, ურთულესი პერიოდი, სრულ სიცილ-ხარხარში გადამატანინა…. ჩემი ოჯახის წევრები და შვილი, რომელმაც სტიმული მომცა, დავფიქრებულიყავი კიდევ ერთ პატარაზე…. მადლობა, სრულიად უცხო გამომწერებს, ასე რომ მგულშემატკივრობთ უანგაროდ და უპირობოდ…. გოგოს დედობა მხვდა წილად, ამ ჯერად, უდიდესი პატივია და დროული!“ – წერს მოდელი.
