სად არის ყველაზე სასიამოვნო სიგრილე? – ამ კითხვით მიმართა Midea-მ მომხმარებლებს. მათმა უმეტესობამ უპასუხა, რომ ასეთი ადგილი სუფთა ჰაერისა და ჯანსაღი გარემოს გამო, ბუნება იყო. სწორედ ამიტომ, კომპანიამ მიზნად დაისახა, მომხმარებლებისთვის შეეთავაზებინა ტექნოლოგია, რომლის მეშვეობითაც მათ ბუნებაში ყოფნის განცდას შეუქმნიდა.
ასე გაჩნდა Midea GAIA – უახლესი და ინოვაციური კონდიციონერი, რომელიც არა მხოლოდ აგრილებს/ათბობს, არამედ ახალი და სუფთა ჰაერით უზრუნველყოფს ოთახს. ჰაერის მიმოცვლისა და ვენტილაციის ამგვარ სისტემას მსოფლიოში ანალოგი არ აქვს. სწორედ ამიტომ, მიიჩნევენ, რომ Midea-მ კონდიციონერების წარმოებაში ახალი სიტყვა თქვა.
როგორია ყველაზე მაღალტექნოლოგიური კონდიციონერი და რაში მდგომარეობს მისი ინოვაციურობა? – სტატიაში Midea GAIA-ს გაგაცნობთ.
ჰაერის მიმოცვლისა და ვენტილაციის ახალი ტექნოლოგია
სტანდარტული კონდიციონერის ფუნქცია მხოლოდ ოთახში არსებული ჰაერის გაგრილებაა – ის ძველი ჰაერის ახლით ჩანაცვლებას ვერ უზრუნველყოფს. შესაბამისად, იმისათვის, რომ ოთახში დიდი რაოდენობით ნახშირორჟანგი (CO₂) არ დაგროვდეს, აუცილებელია, კონდიციონერით სარგებლობისას, ოთახი დროდადრო გავანიავოთ.
ერთ-ერთი უმთავრესი, რითაც GAIA სტანდარტული კონდიციონერებისგან გამოირჩევა, ჰაერის მიმოცვლის განსხვავებული ტექნოლოგიაა – ის არა მხოლოდ აგრილებს, არამედ გარედან შემოაქვს ჟანგბადით სავსე ჰაერი, ფილტრავს მას და გაწვდით სახლში.
GAIA ოთახს ყოველ საათში 30-60 მ³ ახალი ჰაერით უზრუნველყოფს, რაც საკმარისზე მეტიც კია იმისათვის, რომ განიავების გარეშე, ჩვენ გარშემო ჟანგბადით მდიდარმა ჰაერმა იტრიალოს.
ჰაერის მაღალი ფილტრაცია
Midea GAIA-ს არა მხოლოდ ახალი ჰაერი შემოაქვს გარედან, არამედ ჰეპა 13 ფილტრის დახმარებით, მას 99,95%-ით ასუფთავებს მტვრისა და სხვადასხვა ტიპის ნაწილაკებისგან. როგორც წესი, ასეთი ფილტრით აღჭურვილია მოწყობილობები, რომლებსაც, სტერილური გარემოს შესანარჩუნებლად, სამედიცინო დაწესებულებებში, განსაკუთრებით, საოპერაციო ოთახებსა და ლაბორატორიებში იყენებენ.
გამოდის, რომ თუ დაბინძურებულ გარემოში ცხოვრობთ, GAIA-ს დახმარებით, თქვენს სახლში გარეთ არსებულზე უკეთესი და უფრო სუფთა ჰაერი გექნებათ.
i-Clean – თვითწმენდის ფუნქცია
ნებისმიერი კონდიციონერის ფილტრში დროთა განმავლობაში ილექება ჭუჭყი, გროვდება ბაქტერიები და სხვა მავნე ნაწილაკები. ამიტომ, რეკომენდებულია, რომ ის წელიწადში ერთხელ მაინც გაიწმინდოს, რაც დამატებითი ხარჯია. თუმცა, ეს GAIA-ს არ ეხება, რადგან მას თვითწმენდის ფუნქცია აქვს – საკმარისია დააყენოთ i-Clean-ზე და ის თავად ჩაიტარებს წმენდის სრულ პროცედურას. GAIA-ს თვითწმენდა 6-საფეხურიანია და 92 წუთის განმავლობაში გრძელდება, რის შედეგადაც ფილტრში ბაქტერიების 99,9% ნადგურდება.
ბრიზლეს ფრთა – ჰაერის ნაკადის განაწილების განსხვავებული სისტემა
სტანდარტული კონდიციონერების ერთ-ერთი მთავარი პრობლემა ჰაერის მხოლოდ ერთი მიმართულებით დაბერვაა, რის გამოც ნაკადი ინტენსიური და უსიამოვნოა. ამ პრობლემის გადასაჭრელად Midea-მ GAIA ბრიზლეს ფრთით აღჭურვა, რომელსაც 7928 წვრილი ნახვრეტი აქვს. ჰაერი ამ ათასობით ნახვრეტში თანაბრად ნაწილდება და სხვადასხვა მიმართულებით იფრქვევა. შესაბამისად, ნაკადის ინტენსივობა კლებულობს და ოთახი ნელ-ნელა, შეუმჩნევლად გრილდება.
დისტანციური მართვა
GAIA-ს მართვა სმარტფონებისთვის განკუთვნილი აპლიკაციის მეშვეობით ნებისმიერი ადგილიდან შეგეძლებათ. მისი მეშვეობით თვალს ადევნებთ კონდიციონერის მუშაობის ყველა პროცესს და წვდომა გექნებათ მის ნებისმიერ მონაცემზე. აპლიკაციაში დაგხვდებათ Music Garden-იც – მუსიკალური კომპოზიციების სია, სხვადასხვა აქტივობებისა და განწყობების შესაქმნელად.
GAIA-ს მოჰყვება დისტანციური სამართავიც. ის ეწყობა Google Assistant-ს, Amazon Alexa-ს და Siri Assistant-ს, რომელთა დახმარებითაც კონდიციონერის ხმოვანი ბრძანებით მართვაცაა შესაძლებელი.
უხმო რეჟიმში მუშაობა
GAIA-ს აქვს მუშაობის სამი ხმოვანი რეჟიმი, რომელთა დარეგულირებაც თავად შეგიძლიათ. იმ შემთხვევაში, თუ მას ყველაზე დაბალ – 19.3 dB-ზე დააყენებთ კონდიციონერის ხმას თითქმის ვეღარ გაიგებთ.
ინვერტორული ძრავა და ECO ფუნქცია
GAIA თანამედროვე კვადრო ინვერტორულ ძრავაზე მუშაობს, რის გამოც ის სტანდარტულ კონდიციონერზე 30%-ით უფრო ეკონომიურია. გარდა ამისა, შეგეძლებათ, თქვენი სურვილისა და საჭიროების მიხედვით, ამუშაოთ 50%-იანი, 75%-იანი ან 100%-იანი დატვირთვით, რაც თანხებს ელექტრო ენერგიისთვის კიდევ უფრო დაგიზოგავთ. GAIA-ს აქვს ECO ფუნქციაც, რომლის დროსაც ის დაახლოებით 60%-ით ნაკლებ ენერგიას მოიხმარს, ვიდრე სხვა რეჟიმზე მუშაობისას.
ეს Midea GAIA-ს ძირითადი მახასიათებლებია, რომელთა ერთობლიობაც ყველა პირობას ქმნის იმისათვის, რომ ჩვენს სახლებში ბუნების სიგრილეც ვიგრძნოთ და მუდმივად განახლებადი სუფთა ჰაერითაც ვისიამოვნოთ. თანაც, არის ენერგოეფექტური და მნიშვნელოვნად გვიზოგავს ხარჯებს.
GAIA მხოლოდ რამდენიმე თვის წინ გამოჩნდა ევროპულ ბაზარზე და ის უკვე ხელმისაწვდომია საქართველოშიც მიდეას შოურუმში თბილისი, ფარსადანის ქუჩა N7 და ონლაინ.
ვებგვერდი: www.midea.ge
FB: https://www.facebook.com/Midea.ge
მისამართი: თბილისი, ფარსადანის ქ N7
საკონტაქტო: 032 252 43 43
