ზოგიერთი კინომოყვარული მას ნაომი ლაპალიას სახელით იცნობს The Wolf of Wall Street-იდან,
ზოგი ჰარლი ქუინის სახელით Suicide Squad-იდან, ზოგიც კი “Maggot”-ის ზედმეტსახელით
საშუალო სკოლიდან. არ აქვს მნიშვნელობა მის შესახებ ინფორმაციას საიდან ფლობთ, ფაქტია,
რომ მარგო რობი ჰოლივუდის ერთ-ერთი ყველაზე ნიჭიერი და გამორჩეული გარეგნობის მქონე
მსახიობი ქალია.
2016 წელს მარგო Suicide Squad-ის გადაღებებში იღებდა მონაწილეობას. DC-ის ანტიგმირებზე
შექმნილი პირველი სერია მსახიობისთვის წარმატებული აღმოჩნდა. ეს იყო პირველი შემთხვევა,
როდესაც შემსრულებელმა ჰარლი ქუინის როლი მოირგო. “პროფესიონალი ფსიქოფატი” და
ჯოკერის ყოფილი შეყვარებული Suicide Squad-ის შემდეგ მაყურებელმა Birds of Prey-ში იხილა.
დამოუკიდებელი ფილმი, რომელიც 2020 წელს გამოვიდა მთლიანად ჰარლი ქუინის საინტერესო
თავგადასავლებით სავსე ისტორიას ეთმობა.
DC-ის ანტიგმირებზე გადაღებული კიდევ ერთი ფილმის The Suicide Squad-ის პრემიერა რამდენიმე საათის წინ ლოს ანჯელესში შედგა, რომელსაც მარგო რობი შანელის 2022 წლის რესორთ კოლექციის სამოსით დაესწრო.
