კომპანია „MAGI“ თითქმის ორი ათწლეულია საქართველოს ბაზარზე ოპერირებს და მომხმარებელს სთავაზობს ინოვაციურ, პრაქტიკულ და ესთეტიკურად გამართულ გადაწყვეტებს. მათი კარადები უზრუნველყოფს გათბობის ქვაბისა და კონდიციონერის აგრეგატების დაცვას, ამავდროულად კი ქმნის ფუნქციურ სათავსოს და ალამაზებს აივანს.
დღეს „MAGI“ არა მხოლოდ ხარისხიანი პროდუქციის, არამედ სანდო სერვისის სიმბოლოდაც იქცა. სწორედ ამიტომ, გადავწყვიტეთ მეტი გაგვეგო კომპანიის ისტორიის, სერვისის დეტალებისა და სამომავლო გეგმების შესახებ.
როდის დაიწყო კომპანია „MAGI“-მ საქმიანობა ქართულ ბაზარზე?
კომპანია „MAGI“ საქართველოს ბაზარზე 2006 წლიდან ოპერირებს.
რა პროდუქტს სთავაზობთ მომხმარებელს და რა პრობლემას წყვეტთ?
ჩვენ მომხმარებელს ვთავაზობთ ყველაზე ალტერნატიულ გზას, როგორ შეფუთონ და დაიცვან გათბობის ქვაბი ნებისმიერი ამინდის პირობებში, განსაკუთრებით კი ზამთრის ყინვებში. გარდა ამისა, ჩვენი კარადები აივანს ესთეტიკურ იერს ანიჭებს. ასევე, ვისაც სურს სათავსო, მათთვის ეს კარადები მეტად კომფორტულია, რადგან გამოიყენება სხვადასხვა დანიშნულებისთვის.
ჩვენი პროდუქცია იდეალურია როგორც სათავსოდ, ასევე გათბობის ქვაბისა და კონდიციონერის აგრეგატის „ცხაურით“ (ჟალუზით) შესაფუთად, რაც მოწყობილობას იცავს გარე დაზიანებებისგან.
რა შეგიძლიათ გვითხრათ ხარისხზე?
ვმუშაობთ უმაღლესი ხარისხის მასალით. კარადები მზადდება უჟანგავი მეტალისგან, ისინი ჰერმეტულად დაცული და თერმომდგრადია. საღებავს რაც შეეხება – ისინი იღებება სპეციალურ დანადგარში 200 გრადუს ტემპერატურაზე, რაც გარანტიას იძლევა, რომ მინიმუმ 15 წლის განმავლობაში შეინარჩუნებს პირვანდელ იერსახეს.
პირველები იყავით, ვინც მსგავსი პროდუქციის წარმოება დაიწყო საქართველოში?
დიახ, სწორედ ჩვენ ვიყავით პირველი კომპანია, რომელმაც საქართველოში დაიწყო მსგავსი პროდუქციის დამზადება საკუთარ საწარმოში. დღეს უკვე ოთხი საწარმო გვაქვს თბილისში და ერთი ბათუმში. ასევე ვთანამშრომლობთ მრავალ მსხვილ და ცნობილ სამშენებლო კომპანიასთან.
როგორია თქვენი მომსახურების პროცესი?
ძირითადად მომხმარებლები გვწერენ Facebook-სა და Instagram-ზე, ან გვირეკავენ საკონტაქტო ნომრებზე. შეკვეთის შემთხვევაში ადგილზე მიდის ამზომველი, რომელიც უფასოდ ატარებს აზომვით სამუშაოებს. შემდეგ, დამკვეთთან ვათანხმებთ ყველა დეტალს – ზომას, დიზაინს, ფერს, თაროების განლაგებას და ა.შ.
შეკვეთის გაფორმებიდან ერთ კვირაში პროდუქცია მზად არის. მემონტაჟეთა ჯგუფი ადგილზე მიაქვს და ამონტაჟებს. ჩვენი მთავარი მიზანია, რომ თითოეული მომხმარებელი კმაყოფილი იყოს როგორც სერვისით, ისე ხარისხით – სწორედ ეს არის ჩვენი მრავალწლიანი გამოცდილებისა და დაუღალავი შრომის შედეგი.
სამომავლო გეგმებზე რას გვეტყვით?
გეგმები ნამდვილად ბევრი გვაქვს. ახლახანს შევიძინეთ თანამედროვე დანადგარები, რომლებიც უკვე ადგილზე გვაქვს და ტესტირების პროცესშია. ძალიან მალე სიახლეებს შევთავაზებთ მომხმარებელს – აღარ შემოვიფარგლებით მხოლოდ აივნის კარადებით, უფრო ფართო არჩევანს შევქმნით. ამასთან, სამუშაო პროცესი უფრო გამარტივდება, ხარისხი კიდევ უფრო გაუმჯობესდება და შეკვეთების მიწოდებას მაქსიმალურად მოკლე დროში შევძლებთ.
