“ლევილი” ეს არის ადგილი, რომელიც დამღლელი სამუშაო დღის შემდეგ, ან თუნდაც განტვირთვისა და გაწყობის ასამაღლებლად გთავაზობთ საოცრად მყუდრო და კომფორტულ გარემოს. სივრცეს სადაც, თქვენ შეძლებთ უგემრიელესი კერძების დაგემოვნებას და გარდა ამისა ისიამოვნებთ სპეციალურად თქვეთვის შექმნილი ინტერიერით. ამ და სხვა საინტერესო თემების შესახებ უფრო ვრცლად დავით კურტანიძე გვიამბობს.
როგორც ვიცით დედაქალაქელებისთვის საინტერესო და სასიამოვნო ინფორმაცია გაქვთ, უფრო კონკრეტულად რომ გვითხრათ, რა სიახლეებს შესთავაზებთ თბილისელ მომხმარებელს და არამარტო?
პირველ რიგიში მადლობა, რომ გიყვართ “ლევილი” და ინტერესდებით ჩვენი სიახლეებით. სასიამოვნოა იმის ცოდნა, რომ ჩვენი შრომა და მცდელობა შესამჩნევია. რაც შეეხება თბილისში “ლევილის” გახსნას, უკვე დიდი ხანია ვგეგმავდით, უბრალოდ ცნობილმა მოვლენებმა დაგვაყოვნა. თუმცა, მაინც, ყველაფერი წინასწარ გავთვალეთ, ვიფიქრეთ, განვიხილეთ მომხმარებლებისგან შემოსული თხოვნები, წინადადებები და გადავწყვიტეთ, რომ ლევილს თბილისშიც მოუთმენლად და სიყვარულით ელიან. – „ლევილი“ როგორც ბათუმში, დარწმუნებული ვართ თბილისშიც მოიპოვებს საზოგადოების ნდობას, მათთვის გახდება ის სივრცე, სადაც სასიამოვნოდ გაატარებენ დროს. – უცილოდ! სხვა შემთხვევაში არც ღირდა ცდად და შრომად. განსაკუთრებით საინტერესოა ის ინტერიერი, რაც „ლევილში” გვხვდება.
საოცარი ვიტრაჟი ერთიორად ამაღლებს განწყობას. ამ მიმართულებით, თბილისის ფილიალის სტუმრებსაც ექნებათ თუ არა მსგავსი სილამაზეებით ტკბობის ფუფუნება?
ლევილის ვიტრაჟი ჩვენი სავიზიტო ბარათია და რა თქმა უნდა ის თბილისის ფილიალსაც დაამშვენებს, ინტერიერის კონცეფციაც მსგავსი იქნება, თუმცა აბსოლუტურად ახალი ელემენტები იქნება წარმოდგენილი, რაც არანაკლებ საინტერესო, უცხო და მყუდრო გარემოს შექმნის ჩვენი სტუმრებისათვის. – როგორც კერძების, ასევე დესერტების კუთხით, ყოველ წელს საინტერესო არჩევანს სთავაზობთ მომხმარებელს.
აღნიშნული კუთხით წელს რა სიურპრიზს უნდა ელოდონ გურმანები თქვენგან?
ყოველ წელს ვაახლებთ სამზარეულოს, მენიუს, ახალი ტესტ-პანელები ეწყობა, ახალი დეგუსტაციები, განსაკუთრებით დესერტების მხრივ. ჩვენი კონდიტერები ყოველ წელს გადიან ახალ მასტერ-კლასებს, რომ სტუმრები მუდამ იყვნენ სიახლეებით გემრიელად გაოცებულნი. ასე, რომ… – რომ მოიპოვო მომხმარებლის ნდობა, აუცილებელია ის კერძები, რასაც სთავაზობ მათ მრავალფეროვნებასთან ერთად, გემრიელიც იყოს, ეს კი პირდაპირ დამოკიდებულია შეფ მზარეულსა და მის გამოცდილებაზე.
იქნებ მკითხველს „ლევილის“ შეფ-მზარეულები გააცნოთ, რომლებიც საოცრებებს ქმნიან.
ლევილის სამზარეულო პირობითად შეიძლება სამ ნაწილად დავყოთ: – საკონდიტრო და პურ-ფუნთუშეული.
საკონდიტროს ნატა ღლონტი შეფობს, პურ-ფუნთუშეულს კი ქრისტინე ხარატი.
– ბუხარი – გაყიდვების ლიდერი (ხაჭაპური + პიცა) შეფ მზარეული: პაატა მიქაბერიძე.
– მესამე ნაწილი კი იანა კუტსის საავტორო სამზარეულო იქნება, რომელიც 1 სექტემბრიდან თბილისის ფილიალში შეგიძლიათ დააგემოვნოთ და მალე ბათუმიც ჩაერთვება.
ჩვენი შეფების შესახებ იმდენი საინტერესო რამ შეიძლება მოგიყვეთ, ერთი ინტერვიუს ფარგლებში ვერ ჩავეტევით. ასე რომ, შემდეგისთვის იყოს.
დაგვისახელეთ სამი კერძი და სამი დესერტი, რომელიც ყველაზე დიდი პოპულარობით სარგებლობს „ლევილში“.
დესერტებიდან უდავოდ ჩვენი საფირმო ფსტის მუსი, რომელიც ჩვენმა კონდიტერმა შექმნა; კლასიკური ჩიზქეიქი და ხილის ტარტი. კერძებიდან ლევილის საფირმო აჭარული 4 ყველით, რომელიც ასევე ჩვენმა შეფმა შექმნა, ცეზარის სალათი, რომლის მსგავსსაც ვერსად მიირთმევთ და რა თქმა უნდა ჩვენი ბურგერი.
როგორც აღვნიშნეთ, ბათუმის შემდგომ, უკვე თბილისშიც ხსნით რესტორანს, რა იქნება ის საერთო სტანდარტი, რომელიც ბათუმის მსგავსად დედაქალაქშიც მოგიტანთ წარმატებას?
,,სტანდარტი’’, როგორც თქვენ ამბობთ, ყველასთვის, ვისაც უნდა მუდმივი და ერთგული მომხმარებელი ყავდეს, უნდა იყოს ერთი – წესრიგი და სისუფთავე სამზარეულოში, მომხმარებელზე ორიენტირებული სტაფი და სურვილი, იყო კარგი მასპინძელი. ადამიანური ფაქტორი დიდია ყველა სფეროში, შეცდომები გარდაუვალია, მაგრამ აუცილებელია გულწრფელად გინდოდეს მათი გამოსწორება, ინტერესდებოდე სტუმრების აზრით და გიყვარდეს ისინი, რადგან “ლევილი” განა მხოლოდ კვების ობიექტია, ,,ლევილი არის ურთიერთობა“.
ხომ არ უნდა ველოდოთ „ლევილის“ ახალ ფილიალებს საქართველოს სხვა რეგიონებში? როგორია თქვენი სამომავლო გეგმა?
ვნახოთ, ვნახოთ. ხომ იცით, არასოდეს თქვა არასოდეს. იქნებ არა მხოლოდ საქართველოში, არამედ მის საზღვრებს გარეთაც გავიტანოთ “ლევილის” სახელი. ყველაფერი წინაა…
