ჟურნალი OK! კიდევ ერთხელ გიამბობთ ივენთ კომპანია Laka-ს შესახებ, რომლის ერთ-ერთი მიმართულებაც არის Laka wedding. აღნიშნული სერვისი კი გთავაზობთ თქვენი მნიშვნელოვანი დღის დაგეგმვასა და მოწყობას. პროფესიონალი გუნდი, ესთეტიკის შეგრძნება (გემოვნება) და ხარისხიანი მომსახურება ეს ის მცირე ჩამონათვალია, რაც თქვენს საქორწინო წვეულებას დაუვიწყარს გახდის. უფრო ვრცლად Laka Wedding Paris-ის შესახებ მისი დამფუძნებელი, ლაკა წერეთელი გვესაუბრა.
კიდევ ერთხელ Laka wedding-ის შესახებ…
(ლაკა წერეთელი): Event Company Laka, რომელიც მოიცავს სხვადასხვა მიმართულებას: Womens club Laka, Laka Dance Therapy, Laka Wedding, Laka Event school, უკვე 9 წელია წარმატებით ოპერირებს ბაზარზე. დღეს კი გესაუბრებით Laka Wedding-ის მიმართულებით. თავდაპირველად ჩემი მიზანი იყო, აღნიშნული სერვისი ყოფილიყო საერთაშორისო და მიხარია, რომ ამას მივაღწიე. ჩვენი საქორწილო სერვისი ემსახურება წყვილებს სხვადასხვა ქვეყნიდან – ამერიკიდან, გერმანიიდან, ინგლისიდან, პოლონეთიდან, ისრაელიდან, ყაზახეთიდან, აფრიკიდან და სხვ. აღსანიშნავია, რომ სწორედ ჩვენი კმაყოფილი მომხმარებლების რეკომენდაციით გვანდობენ წყვილები მათთვის მნიშვნელოვანი დღის მოწყობას, რომელიც, რა თქმა უნდა, როგორც სასიხარულო, ისე საპასუხისმგებლოა.
რას სთავაზობს Laka wedding საზოგადოებას? გვესაუბრეთ სიახლეზეც…
უპირველესად, წყვილის საჭიროებებისა და სურვილების გათვალისწინებით იწერება ინდივიდუალური საქორწინო სცენარი. მომხმარებელს ვთავაზობთ სრულ საქორწინო მომსახურებას ყველა დეტალის გათვალისწინებით: საქორწინო დღის მოწყობა და კოორდინირება, დეკორი, შოუპროგრამა, სტილი, ლოკაციის შერჩევა და სხვ.
რაც შეეხება სიახლეს, საზოგადოებას ვთავაზობთ ახალ პაკეტს – Laka Wedding Paris. ეს იქნება დაუვიწყარი მოგზაურობა პარიზში – საინტერესო, განსხვავებული და ინდივიდუალურად გაწერილი სცენარი. ამ სერვისით განსაკუთრებით მინდა ის წყვილები დავაინტერესო, რომელთაც ქორწილი არ ჰქონიათ და ამ დღეზე ოცნებობენ. არ აქვს მნიშვნელობა, ათი წლის ოჯახია თუ ოცის, ყველას, ვისაც სურს დასამახსოვრებელი დღის მოწყობა საყვარელ ადამიანთან ერთად, მინდა ვუთხრა – არასდროსაა გვიან, საქორწილო კაბით პარიზში იმოგზაურო შენს საყვარელ ადამიანთან ერთად.
აღსანიშნავია, რომ Laka wedding-ის ორგანიზებულ ქორწილებში მე თავად ვარ წამყვანი, რითაც დიდ სიამოვნებას ვიღებ, რადგან ბოლომდე ვარ ჩართული პროცესში. გარდა ამისა, ჩემთვის მნიშვნელოვანია ხარისხი, იმ სტანდარტების დაცვა, რომელიც აუცილებელია ქორწილის დროს. ჩვენი ორგანიზებული ქორწილისთვის დამახასიათებელია თანამედროვეობისა და ტრადიციების სინთეზი.
რა გაძლევთ საქმის კეთების მოტივაციას?
უპირველესად, საქმის სიყვარული, მოგეხსენებათ, რომ წლების განმავლობაში ვმუშაობდი საგამოძიებო უწყებაში, შემდეგ კი მივიღე პროფესიული რესტარტის გადაწყვეტილება და ჩემი ჰობი პროფესიად ვაქციე. ის თვისებები კი, რომელიც შევიძინე ჩემს ძველ სამსახურში – დისციპლინა, ადამიანების გამოცნობის ფსიქოლოგია, სხეულის ენა და სხვა ნიუანსები, ახალ საქმეშიც მეხმარება, რაც საბოლოოდ შედეგზეც აისახება.
გარდა ამისა, ჩემთვის მთავარი მოტივატორი არის კმაყოფილი მომხმარებელი, ის ბედნიერი წყვილები, რომელთა არმიაც ჰყავს Laka wedding-ს. სწორედ კმაყოფილი მომხმარებელი უფრო მეტად მიძლიერებს სურვილს, რომ ადამიანებს დაუვიწყარი დღე მოვუწყო.
სამომავლო გეგმები…
ასევე, მინდა განვაახლო საქორწილო მასტერკლასები იმ პატარძლებისთვის, ვისაც სურს თავად დაგეგმონ თავიანთი ქორწილი. აღნიშნულ მასტერკლასებზე კი მათ უამრავ სიურპრიზს ვუმზადებ.
აქვე მინდა ვისარგებლო თქვენი ჟურნალის საშუალებით, მადლობა ვუთხრა ჩვენი გუნდის თითოეულ წევრს გაწეული შრომისა და მონდომებისთვის. ასევე, ჩვენს პარტნიორებსა და კომპანიებს თანამშრომლობისთვის და, რა თქმა უნდა, ჩვენს მომხმარებელს მადლობა ნდობისთვის, რომ არა ისინი, ჩვენი სერვისი ასეთი წარმატებული ვერ იქნებოდა.
ტექსტი: სოფიო მალანია
ფოტო: შორენა საგანელიძე
