რეალითი შოუს Keeping Up With The Kardashians-ის ვარსკვლავი კაილი ჯენერი კვლავ კრიტიკის ობიექტია.
საკუთარი კოსმეტიკური ბრენდის Kylie Cosmetics-ის დამფუძნებელმა და ყოფილმა მილიარდერმა გასულ დღეს სოციალურ ქსელში პოსტი გაავრცელა, რომლითაც ცნობილი Makeup არტისტის, სემუელ რაუდას გადასარჩენად, გამომწერებს GoFundMe-ზე ფულის გადარიცვას სთხოვა.
ახალგაზრდა ბიზნესვუმენის განცხადებამ ინსტაგრამ გამომწერების გაღიზიენება გამოიწვია. მათი განცხადებით “ადამიანი, რომელიც Forbes-ის მიხედვით 900 მილიონ დოლარად შეფასებულ ქონებას ფლობს და საკუთარი სტილისტისთვის მხოლოდ 5,000 დოლარს იმეტებს, დახმარებას საკუთარ გამომწერებს არ უნდა სთხოვდეს.”
კაილი ჯენერი რამდენიმე საათის წინ საზოგადოების კრიტიკას გამოეხმაურა და აღნიშნა, რომ სემუელი არც მისი მეგობარი და არც პირადი სტილისტია.
“გავრცელდა ინფორმაცია, თითქოს საკუთარ გამომწერებს ჩემი სტილისტის ოპერაციის ხარჯების დაფარვას ვთხოვ. სემი ჩემი სტილისტი არ არის და მასთან არანაირი ურთიერთობა არ მაკავშირებს. მასთან რამდენჯერმე მიმუშავია და ვიცი, რომ ძალიან კარგი ადამიანია… სამუელის გადასარჩენად ოჯახს 10,000 დოლარი სჭირდებოდა და ვიცოდი, რომ 6,000 უკვე შეგროვებული იყო, ამიტომაც გადავწყვიტე დარჩენილი თანხა თავად გადამერიცხა.”
