მოწესრიგებული პირის ღრუ მხოლოდ ლამაზ კბილებს არ ნიშნავს − აქ ჯანსაღი ორგანიზმიც მოიაზრება. ლამაზ ღიმილს შეუძლია უფრო მეტად თავდაჯერებული გაგვხადოს, რაც შემდეგ უკვე ჩვენს განწყობასა და თვითშეფასებაზე აისახება. სწორედ ამიტომ აქტუალობას არ კარგავს ე.წ. ჰოლივუდის ღიმილი, რომლის გაკეთება „კუზანოვ დენტში“ შეგიძლიათ. ფართო პროფილის სტომატოლოგიური კლინიკა უკვე რამდენიმე წელია წარმატებით ოპერირებს ბაზარზე, ეს წარმატება კი პროფესიონალთა გუნდის, ულტრათანამედროვე მეთოდებისა და ციფრული ტექნოლოგიების გამოყენებამ განაპირობა. თუ რა სახის პროცედურებს სთავაზობს კლინიკა საზოგადოებას, ჟურნალ OK!-ის ამის შესახებ უფრო ვრცლად კლინიკის დირექტორი სოფიო ყაზახაშვილი, ექიმი სტომატოლოგი, ორთოპედ-ქირურგი რობერტ აგამირიანი და ადმინისტრაციული ხელმძღვანელი − სალომე კუტუბიძე ესაუბრნენ.
სოფიო ყაზახაშვილი: „კლინიკა დაარსების დღიდან მუშაობს ევროპული სტანდარტის შესაბამისად. ჩვენს პაციენტებს ვთავაზობთ სწრაფ და ხარისხიან სტომატოლოგიურ სერვისებს. ვზრუნავთ არა მხოლოდ მათ გარეგნულ თავდაჯერებულობაზე, არამედ შინაგან განწყობაზე − საუკეთესო მომსახურებითა და მომხმარებელზე ორიენტირებული სერვისით.
ჰოლივუდის ღიმილი ერთ-ერთი ყველაზე მოთხოვნადი პროცედურაა. ჩვენი ერთ-ერთი პაციენტი იყო სალომე, რომელიც დღეს უკვე „კუზანოვ დენტის“ თანამშრომელია. მისი ლამაზი ღიმილი ჩვენი წამყვანი ექიმის ნამუშევარია, რომელიც კლინიკის ერთგვარ სავიზიტო ბარათად იქცა“.
სალომე კუტუბიძე: „დღეს ყველას სურს გამოიყურებოდეს უფრო ლამაზად და თავდაჯერებულად. ჩემთვის ლამაზი ღიმილი ესთეტიკასთან და ჯანმრთელობასთან ასოცირდება.
„კუზანოვ დენტში“ მეგობრის რეკომენდაციით მივედი, ბატონ რობერტ აგამირიანთან, რომელმაც ამისრულა ოცნება, მქონოდა უფრო ლამაზი ღიმილი. ალბათ ხვდებით, რამხელა ნდობა და საქმის მიმართ დიდი პასუხისმგებლობა დავინახე „კუზანოვ დენტში“ ჯერ კიდევ პაციენტის ამპლუაში ყოფნის დროს. აქ პროფესიონალთა გუნდი ზრუნავს პაციენტების პირის ღრუს ჯანმრთელობაზე და მათი ლამაზი ღიმილის შენარჩუნებაზე. მიხარია, რომ დღეს მეც ამ საოცარი გუნდის წევრი ვარ, პაციენტობიდან ტოპ-მენეჯერობამდე“.
რობერტ აგამირიანი: „ჩვენს კლინიკაში იმპლანტოლოგია ნავიგაციური მეთოდით ტარდება, რაც პროცედურას უფრო მარტივსა და კომფორტულს ხდის როგორც პაციენტისთვის, ასევე ექიმისთვის. ნავიგაციური შაბლონის გამოყენებისას ცდომილების დაშვება 0%-მდეა დაყვანილი. ასევე აღსანიშნია, რომ ამ მეთოდით ჩატარებული მანიპულაცია, ხშირ შემთხვევაში, არ საჭიროებს განაკვეთის გაკეთებას და არის ნაკლებად ტრავმული“.
ციფრული სტომატოლოგია / CEREC 3D
ცერეკი წარმოადგენს უახლეს კომპიუტერულ ტექნოლოგიას თანამედროვე სტომატოლოგიაში. ჩვენი ურთიერთობა ცერეკ-ტექნოლოგიასთან დაიწყო 12 წლის წინ − მაშინ, როდესაც კლინიკამ პირველად შეიძინა ცერეკ 3D-აპარატი. დღევანდელ რეალობაში „კუზანოვ დენტში“ დიაგნოსტიკიდან დაწყებული, 3D-ტომოგრაფიით და იმპლანტის ჩასმით დასრულებული, ყველა მანიპულაცია დაფუძნებულია ციფრულ ტექნოლოგიაზე.
პროცედურის ერთ-ერთი დადებითი მხარე დროის ფაქტორია − უმოკლეს ვადაში შესაძლებელია ე.წ. ჰოლივუდის ღიმილის მიღება. ცერეკის სისტემა საუკეთესოა ასევე იმპლანტაციის შემდგომ კბილების აღსადგენად.
მნიშვნელოვანია ის ფაქტორიც, რომ კბილის ფორმის, ზომისა და ფერის შერჩევაში პაციენტი მაქსიმალურადაა ჩართული და ექიმთან შეთანხმებით ადგენს სასურველი ღიმილის დიზაინს.
3D-სკანერის, სმაილ-დიზაინის პროგრამისა და 3D-პრინტერის მეშვეობით, პაციენტს საშუალება აქვს ნახოს მისი მომავალი ღიმილის ვიზუალიზაცია უშუალოდ პირის ღრუში − ე.წ. მოკაპი. ჩვენი პაციენტები კლინიკას ტოვებენ ლამაზი და ჯანმრთელი ღიმილით.
ელაინერებით მკურნალობა
ელაინერი გახლავთ ბრეკეტ-სისტემის საუკეთესო ალტერნატივა. არ მოქმედებს პაციენტის დიქციაზე და პრაქტიკულად შეუმჩნეველია. ელაინერი ხანმოკლე დროში უბრუნებს კბილებს სწორ ფორმას. რაც მთავარია, კაპები სრულიად უმტკივნეულოა და არანაირი ტრავმის მომტანი არაა პაციენტისთვის. მკურნალობის დაწყებამდე ზუსტად იცის პაციენტმა რა პერიოდში უნდა ელოდოს შედეგს.
ელაინერის უპირატესობები:
შეუმჩნეველია ახლო მანძილიდან,
არ არის კბილზე დაფიქსირებული,
პაციენტმა წინასწარ იცის შედეგისა და მკურნალობის ვადების შესახებ,
არ ფერხდება ჰიგიენის დაცვა არ ხდება საკვების შეზღუდვა,
იცავს და არ აზიანებს კბილის მინანქარს,
კაპები მზადდება ჯანმრთელობისთვის უსაფრთხო მასალისგან.
