40 წლის მომღერალი, კრისტინა აგილერა და გიტარისტი მეთიუ რუტლერი უკვე შვიდი წელია დანიშნულები არიან. მიუხედავად ხანგრძლივი ურთიერთობისა, წყვილი პაპარაცების ობიექტივში არც თუ ისე ხშირად ხვდება. თუმცა უკანასკნელი შემთხვევა გამონაკლისი აღმოჩნდა. კრისტინა და მეთიუ პაპარაცებმა კალიფორნიაში, პრესტიჟული რესტორნის, WeHo-ს სტუმრობისას შენიშნეს.
წყვილმა მეთიუს დაბადების დღე წინასწარ აღნიშნა, გიტარისტს 36 წელი 14 აპრილს შეუსრულდება. აღსანიშნავია, რომ კრისტინამ და მეთიუმ არჩევანი მონოქრომულ, შავი ფერის სამოსზე შეაჩერეს.
