მსოფლიოში ერთ-ერთი ყველაზე პოპულარულმა ფეხბურთელმა კრიშტიანუ რონალდუმ Al-Nassr- თან ორწლიანი კონტრაქტი გააფორმა, რაც ნიშნავს, რომ ის საუდის არაბეთის პროლიგის კლუბში 2027 წლის ივნისამდე დარჩება. ალ ნასრის კლუბმა ოფიციალურად გააფორმა კონტრაქტი.
„ახალი თავი იწყება. იგივე ვნება, იგივე ოცნება. ერთად შევქმნათ ისტორია” – წერს ფეხბურთელი.
View this post on Instagram
მისი გულშემატკივრებისთვის ეს ყველაფერი მოულოდნელი იყო, რადგან გასული სეზონის დასასრულს, რონალდუმ სოციალურ ქსელში დაწერა: „თავი დასრულდა“, რამაც აზრი გააჩინა, თითქოს კლუბის დატოვებას აპირებდა.
FIFA-ს პრეზიდენტმა ჯანი ინფანტინომაც განაცხადა, რომ ფეხბურთელი მოლაპარაკებებს აწარმოებდა იმ გუნდებთან, რომლებმაც კლუბთა მსოფლიო ჩემპიონატზე თამაშის უფლება მოიპოვეს.
რონალდუმ ალ ნასრთან 2022 წელს გააფორმა კონტრაქტი. მან მანჩესტერ იუნაიტედი მწვავე ინტერვიუს შემდეგ დატოვა, სადაც კლუბი და მწვრთნელი ერიკ ტენ ჰაგი გააკრიტიკა.
საუდის არაბეთის კლუბში 111 შეხვედრაზე 99 გოლი გაიტანა, ხოლო გასულ სეზონში 35 გოლით პროლიგის საუკეთესო ბომბარდირი გახდა. მთლიანობაში, კარიერის მანძილზე 938 გოლი აქვს გატანილი.
