დიდი ბრიტანეთის მონარქს, მეფე ჩარლზს პროსტატის სიმსივნის დიაგნოზი დაუსვეს. ოფიციალურ ინფორმაციას BBC ავრცელებს. როგორც ბრიტანული მედია იუწყება, ჩარლზი საავადმყოფოში მკურნალობას გადიოდა, რის დროსაც ექიმებმა მას სამწუხარო დიაგნოზი დაუსვეს. როგორც სამეფო ოჯახთან დაახლოებული წყაროები ამბობენ, მეფე ჩარლზი შვილს, პრინც ჰარის უკვე ესაუბრა. ჰარი კი უახლოეს მომავალში ამერიკის შეერთებული შტატებიდან დიდ ბრიტანეთში ჩასვლას და მამის მონახულებას გეგმავს. ჯერჯერობით უცნობია, ვიზიტის დროს ჰარისთან ერთად იქნება თუ არა მისი მეუღლე მეგან მარკლი. არსებული ინფორმაციით, მეფე ჩარლზი ამჟამად ექიმების მეთვალყურეობის ქვეშ მკურნალობას სახლში გადის, მას დაგეგმილი ჰქონდა რამდენიმე საერთაშორისო ვიზიტი, რომელიც ჯანმრთელობის გაუარესების გამო გადადო.
