დედა ყველა ადამიანის ცხოვრებაში მნიშვნელოვანი ადამიანია და ბუნებრივია, ბევრს სურს, რომ განსაკუთრებული დღე მასთან ერთად გაატაროს.
„ოქროს გლობუსის“ დაჯილდოების 83-ე ცერემონიის წითელ ხალიჩაზე იმდენი ვარსკვლავის დედა (ზოგჯერ მამა) გამოჩნდა, რომ ღონისძიება ნამდვილად ოჯახურ შეკრებას დაემსგავსა. თქვენს ყურადღებას შევაჩერებთ ხუთ ვარსკვლავზე, რომელიც წითელ ხალიჩაზე დედასთან ერთად გამოჩნდა.
ლეონარდო დიკაპრიო
მსახიობი „ოქროს გლობუსის“ დაჯილდოების 83-ე ცერემონიაზე ტრადიციულად დედასთან, ირმელინ დიკაპრიოსთან ერთად მივიდა. ის ოჯახში ერთადერთი შვილია და დედა ცხოვრებაში ყველაზე მნიშვნელოვან ქალად მიაჩნია. ერთ-ერთ ინტერვიუში ლეონარდომ აღიარა, რომ 82 წლის ბრძენი დედა პირადი ცხოვრებისადმი მიდგომის გადახედვაში დაეხმარა. მსახიობმა განაცხადა, რომ ახლა ის ახალ ურთიერთობებში უფრო მეტი გულწრფელობისა და გახსნილობის მომხრეა.
ჯეიკობ ელორდი
„ფრანკენშტეინის“ ვარსკვლავმა „ოქროს გლობუსის“ დაჯილდოების ცერემონიაზე დედა, მელისა ელორდი მიიწვია. მსახიობი მისი მეოთხე შვილია და სამი უფროსი და ჰყავს.
მაილი საირუსი
მომღერალი ცერემონიას დედასთან, ტიშ საირუსთან ერთად დაესწრო. მაილი მისი ხუთი შვილიდან ერთ-ერთია. ის დედას დიდი პატივისცემითა და სიყვარულით ეპყრობა, თუმცა გარკვეული დროის მანძილზე დედა-შვილის ურთიერთობა მშობლების განქორწინებისა და დედის ხელახალი ქორწინების გამო გართულდა. დღეს მაილი აღმერთებს მამინაცვალს, მსახიობ დომინიკ პერსელს და დედას ბედნიერებას უსურვებს.
მაიკლ ბი ჯორდანი
მსახიობი „ოქროს გლობუსის“ დაჯილდოების ცერემონიაზე დედასთან ერთად მივიდა და ფოტოგრაფების წინაშე დედასთან ხელჩაკიდებული პოზირებდა.
გლენ პაუელი
მსახიობი გლენ პაუელი ღონისძიებას მამასთან, გლენ პაუელ უფროსთან და დედასთან, სინდი პაუელთან ერთად დაესწრო, რომელიც მისი დიდი მხარდამჭერია.
ასევე დაგაინტერესებთ
