#INSTA INSPIRATION
ვინ: ლიკუნა ხაჭაპურიძე-ჭანტურია, @likunasss
გამომწერი: 144k.
პროფესია: Content creator, ინფლუენსერი.
სტილი: ვერ ვიტყოდი, რომ ერთი კონკრეტული სტილი მაქვს, ჩაცმულობას ყოველთვის ვიცვლი დროთა განმავლობაში.
მოდის კერპი: michele lamy forever.
სტილის ინსპირაცია: Hailey Beiber, Alexandra Guerain, Peter Do, Bella Hadid, Oumayama Elboumeshouli და ასე შემდეგ…
საყვარელი ეპოქა: ვიტყოდი, რომ დღევანდელი დრო ყველაზე მიმზიდველია ჩემთვის ამ კუთხით. ახლა ყველა იმას იცვამს, რაც მოსწონს და რაშიც თავს კომფორტულად გრძნობს, ამისთვის კი არავინ განსჯის ან უარყოფს.
საყვარელი დიზაინერი: დემნა გვასალია. ძალიან ვამაყობ მისით.
საყვარელი ბრენდი: Saint Laurent.
სეზონის საყვარელი ტენდენცია: ძალიან მომწონს დაბალწელიანი შარვლები, კორსეტზე cargo, Paraschute-შარვლები.
3 შეუცვლელი რამ თქვენს გარდერობში: შავი ოვერსაიზ პიჯაკი, თეთრი კლასიკური შარვალი, თეთრი პერანგი.
მოვლის 3 შეუცვლელი საშუალება: დასაბანი საშუალებიდან ძალიან მიყვარს Dr. barbara Sturmis cleansing foam, ჰიალურონის სერუმი, დამატენიანებელი კრემი.
როგორ მოხვდით cphfw-ზე: შარშან გამომიგზავნეს მოსაწვევები და ვერ მოვასწარი ყველაფრის დაგეგმვა კარგად. წელს გადავწყვიტე სერიოზულად მივდგომოდი ამ საკითხს. ჩემს მეგობარს − მარიამს ვუთხარი, რომ ერთად დაგვეგეგმა ეს ყველაფერი. მივწერე იმ ადამიანს, რომელმაც გასული წლის აგვისტოში გამომიგზავნა მოსაწვევი. შემდეგ შევამოწმეთ შოუების, ბრენდების ჩამონათვალი, მივწერეთ თითქმის ყველას. ზოგმა თვითონ მოგვწერა და დაგვპატიჟეს ჩვენებებზე. უბედნიერესები ვიყავით ორივე!
რომელი დიზაინერის შოუმ მოგხიბლათ ყველაზე მეტად: სხვათა შორის, რამდენიმე შოუზე წასვლა ვერ მოვახერხე, ვინაიდან ძალიან ახლო-ახლო იყო შოუები ერთმანეთთან და დროში ვერ ჩავეტიეთ. ამაზე უზომოდ მწყდება გული. ძალიან მომეწონა P.L.N-ის შოუ. ნამდვილად ყველასგან განსხვავებული იყო. კოლექციაც საოცარი. თითოეულ Look-ში იგრძნობოდა დაუღალავი შრომა და დიზაინერის ტალანტი.
რას ფიქრობთ იქაურ ქუჩის სტილზე: ზოგადად, ამბობენ, რომ კოპენჰაგენის ქუჩის სტილი ყოველთვის მინიმალისტური და სადაა, მაგრამ ამ სეზონზე ყველა უჩვეულოდ საინტერესოდ იყო შემოსილი. ხანდახან, რასაც ქუჩის მოდაში ვხედავთ, ბევრად სჯობს იმას, რასაც შოუებზე ვადევნებთ თვალს. მიმაჩნია, რომ ახლა ეს შემთხვევა იყო.
იქ შეხვდებოდით ყველანაირი სტილის მქონე ადამიანს, ყველანაირ ფერს, ტექსტილსა თუ ფორმას. ჩემთვის ძალიან შთამაგონებელი იყო იქ ყოფნა. სხვათა შორის, „ვოგზე“ მოვხვდი, როგორც ერთ-ერთი გამორჩეული ჩაცმულობის მქონე. ძალიან გამახარა ამან! ქართველი დიზაინერის ტანისამოსი მაცვია ამ ფოტოში.
ვინ: მარიამ წილოსანი, @marisunny7
გამომწერი: 85k.
პროფესია: კონტენტ-კრეატორი, იუტუბერი.
სტილი: მინიმალიზმი.
მოდის კერპი: ჯეინ ბირკინი.
სტილის ინსპირაცია: ვცდილობ ჩემი სტილის ინსპირაციის წყარო არ იყოს მხოლოდ მოდა და მისი ტენდენციები. ეს ხშირად არის მუსიკა, ფილმები, ბუნება, გარემო − სტილის ინსპირაცია შეიძლება ბევრი მხრიდან მოვიდეს, მთავარია შევძლოთ, ეს დავინახოთ.
საყვარელი ეპოქა: მომწონს 1970-იანი წლები და ასევე, ჩვენი წინა ათწლეული. ვფიქრობ, დემნა გვასალიამ ძალიან საინტერესო გზით წაიყვანა მსოფლიო მოდის ტენდენციები.
საყვარელი დიზაინერი და ბრენდი: Yves Saint Laurent − როგორც ბრენდი და როგორც დიზაინერი, ჩემთვის განუმეორებელია.
სეზონის საყვარელი ტენდენცია: დაბალწელიანი ფართო შარვლები.
3 შეუცვლელი რამ თქვენს გარდერობში: ოვერსაიზ-პიჯაკი, თეთრი პერანგი და კლასიკური Levi’s-ის ჯინსი.
მოვლის 3 შეუცვლელი საშუალება: მზისგან დამცავი, PH-დაბალანსებული სახის დასაბანი საშუალება და შრატი C ვიტამინით.
როგორ მოხვდით cphfw-ზე: ყოველთვის გვინდოდა კოპენჰაგენის მოდის კვირეულზე დასწრება, გადავწყვიტეთ და თავად დავუკავშირდით ამ სეზონზე წარმოდგენილ ბრენდებს, გავაცანით ჩვენი თავი და კონტენტ-შემოქმედება, რის შედეგადაც ბევრმა ბრენდმა გამოთქვა ჩვენი დაპატიჟების სურვილი.
რომელი დიზაინერის შოუმ მოგხიბლათ ყველაზე მეტად: ჩემთვის ძალიან შთამბეჭდავი იყო Rotate-ის შოუ თავისი მრავალფეროვნებით, დახვეწილი სილუეტებითა და ფერებით.
რას ფიქრობთ იქაურ ქუჩის სტილზე: კოპენჰაგენის ქუჩის სტილი ჩემთვის ყოველთვის გამორჩეული იყო. იქ არავის ერიდება საკუთარი თავის სამოსით გამოხატვა, ყველას განსხვავებული სტილი აქვს, მოდის უახლეს ტენდენციებს ძალიან საინტერესოდ და თამამად იყენებენ ჩაცმულობაში, არ ეშინიათ ექსპერიმენტების და მიმართავენ საინტერესო სილუეტებსა და ფერთა კომბინაციებს.
