მომღერალი, ჯო ჯონასი და მსახიობი, სოფი ტერნეტი ამჟამად ერთ–ერთი ყველაზე პოპულარული ვარსკვლავური წყვილია. ცოტახნისწინ გავრცელდა ინფორმაცია, რომ მათი მდიდრული საცხოვრებელი 16,75 მილიონ დოლარად იყიდება.
სახლი ლოს–ანჯელესში მდებარეობს და ის წყვილმა 2019 წელს 14,1 მილიონ დოლარად შეიძინა. სახლში ცხრა საძინებელი და თერთმეტი სველი წერტილია, ამას გარდა შესანიშნავი ინტერიერის მქონე მისაღები ოთახი, სასადილო, სამზარეულო და ბიბლიოთეკაა. სახლში ასევე არის კინოთეატრი, მარანი და ბარი. უზარმაზარ ეზოში შესანიშნავი აუზის და მოსასვენებელი კუთხეების გარდა სტუმრის ორი მცირე ზომის სახლია განთავსებული.
