როგორც იცით, გასულ დღეს მსოფლიოს ერთ–ერთი ყველაზე განხილვადი ვარსკვლავური წყვილის ქორწილი შედგა. ჯენიფერ ლოპესმა და ბენ აფლეკმა ჯორჯიას შტატში, ბენის საკუთრებაში მქონე ძვირადღირებულ ვილაში იქორწინეს. როგორც იუწყებიან, სამდღიანი ქორწილის ცერემონია Hampton-ის კუნძულზე, Savannah-იდან 50 მილის მოშორებით ჩატარდა. სტუმრებს შორის იყვნენ მეტ დეიმონი და მისი მეუღლე ლუსიანა, რეჟისორი კევინ სმიტი, პატრიკ უაითსელი, ჯიმი კიმელი, კეისი აფლეკი, პია მილერი და სხვები. ვარსკვლავურმა წყვილმა გრანდიოზული ქორწილის სტუმრები Savannah-ში არსებულ ძვირადღირებულ სასტუმროში, Perry Lane Hotel-ში მოათავსა.
ბენ აფლეკმა მნიშვნელოვანი დღისთვის კლასიკური სმოკინგი მოირგო, ჯენიფერ ლოპესმა კი“რალფ ლორენის” თეთრი დახვეწილი კაბა.
შეგახსენებთ, რომ წყვილის პირველი საქორწინო ცერემონია 16 ივლისს, ლოს ანჯელესში ჩატარდა.
ჯენიფერი და ბენი ერთმანეთს 2001 წელს ფილმ Gigli-ის გადაღებებზე შეხვდნენ. მათი საერთო დებიუტი წითელ ხალიჩაზე 2002 წელს ფილმ Maid-ის პრემიერაზე შედგა. 2002 წლისნოემბერში ბენმა ჯენიფერს ხელი სთხოვა, რის შემდეგაც ვარსკვლავური წყვილი დაინიშნა. ჯენიფერი და ბენი ერთმანეთს 2004 წელს დაშორდნენ, რის შემდეგაც ამერიკელი ლამაზმანი მარკ ენტონიზე დაქორწინდა, წყვილი ურთიერთობაში 2014 წლამდე იმყოფებოდა. მარკს დაჯენიფერს ამჟამად ორი ტყუპი შვილი ჰყავთ. 2005 წელს ბენ აფლეკი მსახიობ ჯენიფერ გარნერზე დაქორწინდა, წყვილს სამი შვილი შეეძინა, თუმცა 2018 წელს მათი ურთიერთობა განქორწინებით დასრულდა.
2021 წლის მაისში ჯენიფერმა ურთიერთობა კვლავ ყოფილ საქმროსთან ბენ აფლეკთან განაახლა.
2022 წლის აპრილში ვარსკვლავური წყვილი დაინიშნა. 2022 წლის 16 ივლისს მათი თითქმის უკვე 20 წლიანი სიყვარულის ისტორია პირველი გრანდიოზული ქორწილით, ამჟამად კი უკვე მეორე ქორწილით დაგვირგვინდა.
წარმოგიდგენთ ბენის საკუთრებაში არსებულ გრანდიოზულ ვილას, სადაც წყვილის ქორწილი გაიმართა: