მსოფლიოს ერთ-ერთი ყველაზე მდიდარი ადამიანის, “მაიკროსოფტის“ დამფუძნებლის ბილ გეითსის ქალიშვილი ჯენიფერ გეითსი დაქორწინდა.
ახალგაზრდა ვარსკვლავის რჩეული ნაიელ ნასარია.
ქორწილის ცერემონია გეითსების 16 მილიონ დოლარად შეფასებულ ფერმაში გაიმართა, რომელიც მილიარდერმა საკუთარ ქალიშვილს სტენფორდის უნივერსიტეტის დასრულების შემდეგ გადასცა.
ცერემონიას მხოლოდ 300 სტუმარი დაესწრო.
ჯენიფერს დიზაინერ ვერა ვენგის თეთრი მაქმანებიანი კაბა ამშვენებდა.
ქორწილის წვეულებას მუსიკალურად მსოფლიოში ერთ-ერთი ყველაზე წარმატებული და მაღალანაზღაურებადი ჯგუფი “Coldplay” აფორმებდა.
არსებული ინფორმაციით, ჯენიფერ გეითსისა და ნაიელ ნასარის ზღაპრული ქორწილისთვის 2 მილიონ დოლარზე მეტი დაიხარჯა.
