პერმანენტული მაკიაჟი ერთ-ერთი ყველაზე მოთხოვნადი პროცედურაა. ის ტატუაჟის ნაირსახეობაა და მარტივი გამოსავალია იმ ქალებისთვის, რომლებსაც არ სურთ ყოველ დილით მაკიაჟის გაკეთება და სარკის წინ დიდ დროის გატარება. კონტურული მაკიაჟის საშუალებით შესაძლებელია ნებისმიერ დროს შესანიშნავად გამოიყურებოდეთ. OK! გაგაცნობთ პერმანენტული მაკიაჟის სპეციალისტს, მარიამ კარელიძეს.
(მარიამი): პროფესიით ფარმაცევტული პრეპარატების წარმოების სპეციალსიტი ვარ. შემდეგ პერმამენტული მაკიაჟი შევისწავლე და 6 წელია ამ სფეროში ვმუშაობ. ამჟამად ვცხოვრობ ათენში. ჩემი პაციენტების უმრავლესობა ქართველი ემიგრანტები არიან, ძალიან დიდ სითბოს ვგრძნობ მათგან, ეს ყველაფერი კი ორმაგად სასიამოვნოს ხდის ჩემს საქმიანობას.
რას სთავაზობთ საზოგადოებას?
უმაღლესი ხარისხის მასალას და რაც მთავარია, ლამაზად და ბუნებრივად შესრულებულ ნამუშევარს.
აღსანიშნავია, რომ პერმანენტულ მაკიაჟს შეუძლია ტუჩების, წარბებისა და თვალების ასიმეტრიის გამოსწორება. ასევე, ტუჩების მოცულობის გაზრდა, ფერისა და ფორმის შეცვლა, კონტურის გამოკვეთა, წარბის ფორმისა და ფერის კორექცია, ქუთუთოების ფორმის კორექცია და ხშირი წამწამების ეფექტის შექმნა. პერმამენტული მაკიაჟის წყალობით ქალი ზოგავს დროს მაკიაჟის გაკეთებაზე.
მნიშვნელოვანია სპეციალსიტს ენდობოდე..
ძალიან მნიშვნელოვანია პაციენტის ნდობა. ყოველთვის ვცდილობ ჩემთან მოსული მომხმარებლის იმედები გავამართლო. გარდა ამისა, თითოეულ მათგანს ძალიან უშუალოდ და თბილად ვხვდები, ვფიქრობ, ისინიც გრძნობენ ამას, რადგან ანალოგიურს ვიღებ მეც მათგან. ჩემთვის ბედნიერება ემიგრანტებთან მუშაობა.
ემიგრაცია…
2 წელია საქართველოში არ ვყოფილვარ და ძალიან მენატრება ჩემი ქვეყანა, ოჯახი და მეგობრები. უცხო ქვეყანაში კარიერის დაწყება რა თქმა უნდა რთულია, თუმცა ეს ყველაფერი უფრო მეტად მაძლიერებს და ერთგვარ მოტივაციასაც მაძლევს.
მინდა ავღნიშნო, რომ ჩვენი ემიგრანტებით ვამაყობ. ჩემთვის ისინი არიან ყველაზე ძლიერები, მათ უწევთ ბევრი შრომა, უამრავი სირთულის გადალახვა და ოჯახებიდან შორს ყოფნა, რაც ძალიან რთულია. მინდა ქალებს ვუთხრა, რომ შეუძლებელი არაფერია, მთავარია დიდი სურვილი, არ დანებდეთ და იბრძოლოთ მიზნის მისაღწევად ბოლომდე.
რა ადგილი უჭირავს თქვენს ცხოვრებაში პროფესიულ საქმიანობას?
ძალიან დიდი. ეს არის ის, რაშიც ყველაზე მეტ დროს და ენერგიას ვდებ. ვცდილობ დრო სწორად გადავანაწილო, სწორედ ამიტომ ყველაფერი წინასწარ მაქვს გაწერილი.
დილას პაციენტების მიღებით ვიწყებ. იმ შემთხვევაში, თუ მომხმარებელს-ემიგრანტს დასვენება არ აქვს და ვერ მოდის ჩემთან, მაშინ მე მივდივარ მასთან.
რა გაძლევთ საქმის კეთების მოტივაციას?
უპირველესად მიყვარს ის საქმე, რასაც ვაკეთებ. როდესაც ვხედავ შედეგს, რომლითაც პაციენტი ბედნიერი და კმაყოფილია, ეს ჩემთვის უდიდესი მოტივაციაა. ის დადებითი ფიდბექი, რასაც მე ჩემი პაციენებისგან ვიღებ მაძლევს სტიმულს და ძალას, რომ უფრო მეტად განვითარდე, მეტი ვისწავლო და კიდევ უფრო კარგად ვაკეთო ჩემი საქმე.
თქვენ ასევე ხართ ფოტომოდელი, გრჩებათ დრო ამ საქმიანობისთვის?
ძალიან მიყვარს ფოტოების გადაღება. ადრე მქონდა სამოდელო საგენტოსთან კონტრაქტი ათენში, ბოლო პერიოდშიც იყო შემოთავაზებები, თუმცა უარი ვთქვი.
სამომავლო გეგმები…
ვაპირებ სწავლის გაგრძელებას, ასევე მინდა საქართველოში დაბრუნება. ჩემი დიდი სურვილია, შევძლო მარტოხელა დედების დახმარება, ვგულისხმობ პროფესიული თვალსაზრისით, სრულიად უსასყიდლოდ შევასწავლო ეს პროფესია, შემდეგ დავეხმარო სამუშაო მასალის შეძენაში, რათა მათ შეძლონ დასაქმება. იმედია ეს ყველაფერი გამომივა.
საკონტაქტო ინფო:
insta: permament_pmu_master_
