ესთეტიკური მედიცინა ყოველდღიურად ვითარდება და მასზე მოთხოვნა სულ უფრო და უფრო იზრდება. ადამიანები მუდმივად მუშაობენ, რათა საკუთარი თავი გახადონ იმაზე უკეთესი, ვიდრე აქამდე იყვნენ. დღეს უკვე შესაძლებელია ძალიან მოკლე დროში, უმტკივნეულოდ და ყოველგვარი გართულების გარეშე მივაღწიოთ სასურველ შედეგს და შევიტანოთ გარკვეული ცვლილებები საკუთარ გარეგნობაში. ჟურნალი OK! გაგაცნობთ ექიმ კოსმეტოლოგსა და ინიექციონისტ ანუკი ლომთაძეს, რომელი უფრო ვრცლად და დეტალურად გვიამბობს ყველაზე მოთხოვნადი პროცედურების შესახებ.
ანუკი, უპირველესად გაგვეცანით. რამდენია ხანია, რაც ესთეტიკური სილამაზის სფეროში საქმიანობთ და როდის გაგიჩნდათ პირველად ინტერესი?
დაახლოებით 4 წელია, რაც ამ სფეროში ვსაქმიანობ. პროფესიით ექიმი-კოსმეტოლოგი, ინიექციონისტი ვარ და სამედიცინო ესთეტიკის მიმართულებით ინიექციურ პროცედურებზე ვმუშაობ.
ესთეტიკა ყოველთვის მნიშვნელოვან ადგილს იკავებდა ჩემს ცხოვრებაში. მიუხედავად იმისა, რომ ჩემი აზრით ადამიანის სილამაზე შიგნიდან მოდის და არა გარედან, ძალიან მსურდა დავხმარებოდი მათ ოცნების ასრულებაში − გარკვეულწილად შეეცვალათ საკუთარი გარეგნობა და მიეღწიათ საოცნებო შედეგისთვის.
ერთი შეხედვით დაუჯერებლად ჟღერს, რომ მარტივი პროცედურით შესაძლებელია აიხდინოთ ოცნება და მიაღწიოთ სასურველ შედეგს, მაგრამ დღევანდელ რეალობაში ეს უკვე შესაძლებელია. ჩემთვის ძალიან სასიამოვნოა, როდესაც მათი ემოციების შემსწრე ვხდები, რადგან მე ამ პროცესის უშუალო მონაწილე ვარ და მაბედნიერებს თითოეული „პაციენტის“ (პირობითად რომ ვთქვათ) მიღებული შედეგი.
რა სახის მომსახურებებს სთავაზობთ დაინტერესებულ ადამიანებს?
ვმუშაობ მთლიან სახეზე, მაგრამ ყველაზე მოთხოვნადი ცხვირის კორექციაა, ამას შემდეგ მოსდევს ტუჩისა და ყვრიმალის პროცედურები. დაინტერესებულ ადამიანებს ვთავაზობთ ბოტოქსს, ფილერს, ბიორევიტალიზაციას და კანის სხვადასხვა გამაჯანსაღებელ პროცედურებს. ჩვენი დღევანდელი რეალობა შესაძლებლობას გვაძლევს ძალიან მარტივი მეთოდებით შევიტანოთ ნებისმიერი სახის ცვლილება ჩვენს ვიზუალში.
რომელ ეტაპებს გადის პროცედურა დაწყებიდან დასრულებამდე?
ოცნების ასახდენად ძალიან ცოტა დროა საჭირო. ცხვირის კორექციის შემთხვევაში სამი ჩხვლეტა სრულიად საკმარისია. შეშუპებისა და რეაბილიტაციის პროცესს რაც შეეხება, მინიმალურია. პაციენტს იმავე დღეს შეუძლია ცხოვრება ჩვეული რიტმით გააგრძელოს.
გვესაუბრეთ თქვენს მიდგომებზე.
მიდგომა კომპლექსური მაქვს, საჭიროებიდან გამომდინარე. დღესდღეობით ყველაზე ტრენდულია ფრანგული და რუსული ტექნიკა, ეგრეთ წოდებული „ბანტი“. ასევე ძალიან მოთხოვნადია ცხვირის წვერის აწევა და კეხის განულება. თუმცა, „პაციენტების“ მიმართ მაინც ინდივიდუალური მიდგომა მაქვს, მათი ვიზუალიდან და როგორც უკვე აღვნიშნე, საჭიროებიდან გამომდინარე. რასაკვირველია, ყველა მათგანს ერთი ფორმისა და ზომის ტუჩი და ცხვირი არ მოუხდება, ასე რომ, პროცედურა და შედეგი დამოკიდებულია ადამიანების გარეგნობაზე.
რა სახის პრეპარატებს იყენებთ?
ვიყენებ მხოლოდ ევროპული წარმოების პრეპარატებს, რომლებსაც რასაკვირველია ISO-სერტიფიკატი აქვს მინიჭებული. გარდა ამისა, აუცილებლად უნდა ჰქონდეს ბაზარზე ოპერირების მინიმუმ 5-წლიანი გამოცდილება, რათა დარწმუნებული ვიყო მის სანდოობასა და უსაფრთხოებაში. ვესწრები თითოეული პრეპარატის შესახებ გამართულ სემინარს, სიღრმისეულად რომ შევისწავლო და სრულყოფილად ვიცოდე მათი გამოყენების წესები.
რა არის თქვენთვის ყველაზე მთავარი ამ სფეროში?
კმაყოფილი „პაციენტები“ ყველაზე მნიშვნელოვანია ამ სფეროში. სწორედ ამიტომ, მაქსიმალურად ორიენტირებული ვარ, რომ ჩემთან მოსულმა თითოეულმა ადამიანმა მიიღოს სასურველი შედეგი და ჩემგან ბედნიერი წავიდეს.
ვინ არიან თქვენი ძირითადი „პაციენტები“?
ჩემი ძირითადი „პაციენტები“ არიან როგორც ქალბატონები, ასევე მამაკაცები. უზომოდ მიხარია, რომ ესთეტიკა ძალიან დაფასებულია ორივე სქესის წარმომადგენლებში.
როგორ ჩავეწეროთ პროცედურაზე?
ჩემთან პირველადი კონსულტაცია ონლაინ გახლავთ, შემდეგ ადგილზე ხდება გასაუბრება და გადავდივართ უშუალოდ პროცედურაზე. ჩაწერა ხდება სამი დღით ადრე − ასე უფრო მოსახერხებელია როგორც ჩემთვის, ასევე „პაციენტებისთვის“.
როგორია თქვენი სამომავლო გეგმები?
უახლოეს პერიოდში ვაპირებ საკუთარი კლინიკის გახსნას და ასევე სასწავლო კურსის დაარსებას, რადგან ძალიან ბევრი მსურველი მყავს ამ მიმართულებით. მათ შორის არიან როგორც უკვე შემდგარი ექიმები, ასევე სამედიცინო უნივერსიტეტის სტუდენტები, რომელთაც სურთ ჩემთან გაიარონ კურსები და დაეუფლონ ამ სფეროს უფრო სიღრმისეულად.
FB: Dr. Anuki
Mail: [email protected]
მის: ბახტრიონის N26, ესთეტიკ ცენტრი
ტელ: 571 11 14 11
