უშვილობა დღესდღეობით ერთ-ერთი აქტუალური პრობლემაა, ინ-ვიტრო განაყოფიერება კი უშვილობის მკურნალობის დამხმარე რეპროდუქციული ტექნოლოგიაა. თურქეთის იედითეფეს უნივერსიტეტის საერთაშორისო პაციენტების ცენტრ Medicaturk-ის ინიციატივით, საქართველოს იედითეფეს უნივერსიტეტის საავადმყოფოს გინეკოლოგიისა და ხელოვნური განაყოფიერების დეპარტამენტის ხელმძღვანელი და დეკანი, პროფესორი ერქუთ ათთარი ეწვია. მან ქართველ პაციენტებს კონსულტაცია ჩაუტარა ღეროვანი უჯრედების STEM CELL-ის პროცედურებისა და მათი უპირატესობის შესახებ. აღსანიშნავია, რომ პროფესორმა თურქეთში, სტამბოლის უნივერსიტეტის ჩაფას საავადმყოფოს ბაზაზე, პირველმა დააარსა ხელოვნური განაყოფიერებისა და ემბრიოლოგიის დეპარტამენტი, სადაც 5 წელი ასევე ემბრიოლოგად მუშაობდა. უფრო ვრცლად საერთაშორისო პაციენტების დეპარტამენტ Medicaturk-ისა და დარგის სიახლეების შესახებ, ჟურნალ OK!-ის საქართველოსთან ურთიერთობისა და ბიზნესგანვითარების მენეჯერი ეკა ძნელაძე და პროფესორი ერქუთ ათთარი ესაუბრნენ.
ეკა, გაგვაცანით იედითეფეს უნივერსიტეტის საავადმყოფო.
იედითეფეს უნივერსიტეტი 1996 წელს დაარსდა, მის პარალელურად კი შეიქმნა ყბა-სახისა და სტომატოლოგიის ჰოსპიტალი, ხოლო 2005 წელს იედითეფეს უნივერსიტეტის ქოზიათაღის საავადმყოფო. 2007 წელს პირველად თურქეთის საუნივერსიტეტო საავადმყოფოებს შორის მიენიჭა JCI (JOINT COMMISION INTERNATIONAL) აკრედიტაცია.
აღსანიშნავია, რომ ყბა-სახისა და სტომატოლოგიის ჩვენი საავადმყოფო ერთადერთია თურქეთში, რომელსაც აქვს JCI (JOINT COMMISION INTERNATIONAL) აკრედიტაცია.
იედითეფეს უნივერსიტეტის საავადმყოფოების ქსელი ასევე მოიცავს ბაღდადის ქუჩის კლინიკას, ოფთალმოლოგიის ცენტრს, გენეტიკური კვლევის ცენტრს, კომპლემენტური და ალტერნატიული მედიცინის, ქსოვილის ტიპირების ცენტრს და ქოშუიოლუს ონკოლოგიურ საავადმყოფოს. აღსანიშნავია, რომ ეს უკანასკნელი იედითეფეს უნივერსიტეტში დაპატენტებული ანტიბაქტერიული მოლეკულური მასალით არის აგებული და ამგვარად მსოფლიოში ერთადერთი ანტიბაქტერიული საავადმყოფოა, სადაც ინფექციის გავრცელების შემთხვევები ნულამდეა დაყვანილი. ის მულტიპროფილურია და შესაბამისად ადგილობრივ და უცხოელ პაციენტებს ყველა სამედიცინო მიმართულებით უწევს მომსახურებას.
გვესაუბრეთ უფრო ვრცლად საერთაშორისო პაციენტების დეპარტამენტ Medicaturk-ის შესახებ.
იედითეფეს უნივერსიტეტის საერთაშორისო პაციენტების ცენტრი MEDICATURK HEALTHCARE ადამიანებს მსოფლიოს სხვადასხვა რეგიონიდან ემსახურება. ყველა რეგიონს ხელმძღვანელობს მშობლიურ ენაზე მოსაუბრე კოორდინატორი. საქართველოს რეგიონის პაციენტების კოორდინატორი და ოპერაციული მიმართულების ხელმძღვანელია ექიმი ანა ცაგარეიშვილი. ჩვენი საერთაშორისო პაციენტების დეპარტამენტი იმითაც გამოირჩევა, რომ ერთადერთია, სადაც პაციენტებს მშობლიურ ენაზე მოსაუბრე ექიმი-სპეციალისტები დიაგნოსტირებისა და მკურნალობის პროცესს ხელმძღვანელობენ და კოორდინირებას უწევენ.
გარდა ამისა, დეპარტამენტი საქართველოში ქართულ კლინიკებთან და ექიმებთან ერთად გარკვეულ პროექტებს ახორციელებს. მიმდინარე წლის ივნის-ივლისში Invitro life-ისა და Medicaturk-ის ინიციატივით, პირველად საქართველოდან ქართველმა ემბრიოლოგმა იედითეფეს უნივერიტეტის საავადმყოფოს ხელოვნური განაყოფიერებისა და ემბრიოლოგიის დეპარტამენტში გაიარა ემბრიოლოგიის კურსები, ხოლო შემდეგ, ჩვენი დეპარტამენტის ეგიდით, Invitro life-ის ბაზაზე თურქი ემბრიოლოგების მიერ ტრენინგები და კურსი. ასევე, მონაწილეობა მივიღეთ ემბრიოლოგიის ლაბორატორიის ფორმირებაში.
კლინიკა „ჰოლომედისა“ და Medicaturk‑ის ინიციატივით, დეკემბერში ექიმმა-რადიოლოგებმა იედითეფეს უნივერსიტეტის საავადმყოფოს რადიოლოგიის დეპარტამენტში მკერდის, ღვიძლის, ფარისებრის ჯირკვლისა და საშვილოსნოს ყელის ელასტოგრაფიის კურსები გაიარეს.
აღსანიშნავია, რომ საშვილოსნოს ყელის ელასტოგრაფია პირველად დაინერგება საქართველოში, რომელიც გამოიყენება ორსულობის პერიოდში საშვილოსნოს ყელის სიმკრივის დასადგენად და შემდგომში ორსულობის მართვის დროს, ასევე, მიომებისა და ადენომიომების დიაგნოსტირებაში და შემდგომ მკურნალობაში.
ასევე, ჩვენს მეგობარ კლინიკებთან ერთად ვგეგმავთ რადიოლოგიისა და ხელოვნური განაყოფიერების მიმართულებით საერთაშორისო ტრენინგებს და კურსებს. კლინიკა „ჰოლომედის“ ბაზაზე ანალიზების, ხოლო გენეტიკური კვლევების იედითეფეს უნივერსიტეტის გენეტიკური ცენტრის ბაზაზე ორგანიზებას.
ჩვენი დეპარტამენტი საქართველოში ქართველი პაციენტებისთვის იედითეფეს უნივერსიტეტის საავადმყოფოს პროფესორთა კონსულტაციებს კვლავ გააგრძელებს.
რა სახის განსხვავებულ მეთოდებს იყენებთ ინ-ვიტრო განაყოფიერების დროს?
(ერქუთ ათთარი): ჩემი ვიზიტის მიზანი იყო, ინ-ვიტრო ხელოვნური განაყოფიერების მიმართულებით უახლესი და თანამედროვე მეთოდების გაზიარება. ერთ-ერთი ასეთი მეთოდია PRP-ის პროცედურა, რომლის დროსაც ხდება თრომბოციტებით მდიდარი სისხლის პლაზმის შეყვანა პაციენტის საკვერცხეში. აღსანიშნავია, რომ ჩვენ მიერ ჩატარებული PRP-ის პროცედურა ჩვეულებრივი პროცედურისგან განსხვავდება: პლაზმაში ხდება ციტოკინის გამოყოფა, ზავდება PRP-ის მასალაში და პაციენტს ამგვარად მიეწოდება. პროცედურა უტარდებათ ქალებს, რომლებსაც აღენიშნებათ საკვერცხეების ნაადრევი განლევა, ან საკვერცხეების უკმარისობა.
მეორე უახლესი მეთოდი კი, რომელიც გამოიყენება ხელოვნური განაყოფიერების დროს, არის ღეროვანი უჯრედებით, იგივე stem cell-ით მკურნალობა. ყველასათვის ცნობილია ღეროვანი უჯრედების ძვლის ტვინის მასალიდან ამოღების და ტრანსპლანტაციის შესახებ, მაგრამ ჩვენ პერიფერიული სისხლიდან ვიღებთ მეზენქიმალურ ღეროვან უჯრედებს, რომელიც პლაზმაში ზავდება და ხდება მათი ტრანსპლანტაცია. ეს პროცედურა ტარდება საკვერცხეების უკმარისობის, ადრეული განლევის და თხელი ენდომეტრიუმის დროს. პროცედურას ახასიათებს ინფექციის დაბალი რისკი, ასევე, პაციენტისთვის უფრო ხელმისაწვდომი და უმტკივნეულოა.
აღსანიშნავია, რომ განსაკუთრებით სწორად შერჩეული პაციენტების შემთხვევაში, PRP-ის პროცედურის შედეგად დგება ბუნებრივი ორსულობა, ასევე, აღნიშნული პროცედურა ზრდის ხელოვნური განაყოფიერების წარმატების შანსს.
