ბევრს ჰგონია, რომ ჰოლივუდის ვარსკვლავების ცხოვრება ახდენილ ოცნებას ჰგავს, სინამდვილეში მსოფლიოში ცნობილი მსახიობები ისევე განიცდიან, ტირიან და იტანჯებიან, როგორც ჩვეულებრივი ადამიანები. ფული და დიდება ბედისწერის ტრაგიკული შემობრუნებისგან ვერავის იცავს, ამიტომ ბევრი ერთი შეხედვით, იდეალური სასიყვარულო ისტორია სამწუხაროდ დასრულდა. ერთად გავიხსენოთ კინოვარსკვლავები, რომლებსაც ყველაზე საშინელ გამოწვევის – საყვარელი ადამიანის დაკარგვის გადატანა მოუწიათ.
- პატრიკ სუეიზი და ლიზა ნიემი
ერთმანეთს რომ შეხვდნენ, პატრიკ სუეიზი 20 წლის იყო, ლიზა ნიემი კი მხოლოდ 16-ის. გოგონა პატრიკის დედასთან ცეკვის გაკვეთილებზე დადიოდა. წყვილმა ერთად 35 წელი იცხოვრა და 2008 წელს საქორწინო ფიცი გაიმეორა. იმავე წელს ექიმებმა პატრიკს კუჭქვეშა ჯირკვლის კიბოს დიაგნოზი დაუსვეს. მსახიობი 2009 წელს გარდაიცვალა.
- ბრიტანი მერფი და საიმონ მონჯეკი
მსახიობი ბრიტანი მერფი და სცენარისტი საიმონ მონჯეკი ფარული ქორწინების შემდეგ სამი წლის განმავლობაში ბედნიერად ცხოვრობდნენ, სანამ ორივე ერთმანეთის მიყოლებით არ გარდაიცვალა – ბრიტანი ფილტვების ანთებით გამოწვეული გართულებისა და მედიკამენტების დოზის გადაჭარბების გამო დაიღუპა, 5 თვის შემდეგ საიმონიც ფილტვების პრობლემებს შეეწირა. მოგვიანებით, ლოს-ანჯელესის ჯანდაცვის დეპარტამენტმა გამოთქვა ვარაუდი, რომ ცოლ-ქმრის გარდაცვალების მიზეზი შეიძლებოდა ობის ნადებით მოწამვლა გამხდარიყო.
- ლია მიშელი და კორი მონტითი
მათ ერთმანეთი სერიალ „კლუბის“ (Glee) გადასაღებ მოედანზე გაიცნეს, სადაც წყვილს თამაშობდნენ. ლია ინტერვიუებში ამბობდა, რომ პლანეტაზე ყველაზე ბედნიერი გოგონა იყო, თუმცა დაქორწინება ვერ მოასწრეს. 2013 წელს მონტეითი სასტუმროს ნომერში გარდაცვლილი იპოვეს – მიზეზი ნარკოტიკული საშუალებების გადაჭარბება იყო. ლიამ საყვარელი ადამიანის გარდაცვალება ძალიან განიცადა. მსახიობი წლების შემდეგ ბიზნესმენ ზენდი რიჩზე დაქორწინდა, რომელთანაც ვაჟი შეეძინა.
- ჯონ ტრავოლტა და კელი პრესტონი
ჯონ ტრავოლტას პირველი სიყვარული დიანა ჰაილენდი იყო, რომელიც კიბოთი გარდაიცვალა. მოგვიანებით მსახიობმა ბედნიერება კელი პრესტონთან იპოვა, მაგრამ უბედურებამ აქაც იპოვა – წყვილმა ჯერ 16 წლის ვაჟი დაკარგა, რომელიც ეპილეფსიური შეტევის დროს დაიღუპა, ხოლო 2018 წელს, კელის სიმსივნის დიაგნოზი დაუსვეს. კელი ორი წლის შემდეგ გარდაიცვალა, ტრავოლტა კი აღარასოდეს დაქორწინებულა.
- ლიამ ნისონი და ნატაშა რიჩარდსონი
ნატაშა რიჩარდსონი ლიამ ნისონის პირველი და უკანასკნელი ცოლი იყო. ერთმანეთი 1993 წელს, ბროდვეის სცენაზე, სპეკტაკლ ANNA CHRISTIE-ს რეპეტიციების დრო შეუყვარდათ და მალევე დაქორწინდნენ. 2009 წელს, სამთო-სათხილამურო ტრასაზე დაშვებისას, ნატაშა დაეცა. ქალმა ჩათვალა, რომ ტრავმა მსუბუქი იყო და საავადმყოფოში წასვლაზე უარი თქვა, რაც საბედისწერო შეცდომა აღმოჩნდა. როდესაც თავის ტრამვის შედეგად ექიმებთან მოხვდა, უკვე ძალიან გვიან იყო. ლიამმა თავად ითხოვა მეუღლის აპარატიდან გამორთვა მას შემდეგ, რაც ის კომაში ჩავარდა. მოგვიანებით მსახიობმა თქვა, რომ ცოლ-ქმარს ერთმანეთისთვის პირობა ჰქონდა მიცემული, რომ მსგავს სიტუაციაში ასე მოიქცეოდნენ.
- მერილ სტრიპი და ჯონ კაზალე
ჯონ კაზალე მერილ სტრიპის ნამდვილი სიყვარული იყო. ერთმანეთი რომ გაიცნეს, მერილი 27 წლის დამწყები მსახიობი იყო, ჯონი კი მასზე 14 წლით უფროსი ვარსკვლავი. ერთმანეთი პირველივე ნახვაზე შეუყვარდათ, თუმცა ბედნიერება დიდხანს არ გაგრძელებულა – კაზალე კიბოს დიაგნოზით გარდაიცვალა. მერილი ბოლომდე საყვარელი ადამიანის გვერდით იყო და მისი წასვლა საშინლად განიცადა. მან ახალი ურთიერთობის დაწყება მხოლოდ რამდენიმე წლის შემდეგ შეძლო და დონ გამერთან 50 წელი გაატარა.
- პირს ბროსნანი და კასანდრა ჰარისი
მათ შეყვარებულები ჯერ ეკრანზე განასახიერეს, შემდეგ კი რეალურ ცხოვრებაში დაქორწინდნენ. პირსმა კასანდრას შვილები პირველი ქორწინებიდან იშვილა და მალე მასთან საერთო შვილიც შეეძინა. წყვილის ბედნიერება დიდხანს არ გაგრძელებულა – კასანდრას სიმსივნე აღმოაჩნდა და 1991 წელს გარდაიცვალა. პირს ბროსნანმა ხელახლა დაქორწინება მხოლოდ 10 წლის შემდეგ შეძლო.
- ელიზაბეთ ტეილორი და მაიკ ტოდი
ტეილორი შვიდჯერ იყო დაქორწინებული, თუმცა ტოდი მისი ერთადერთი ქმარი იყო, რომელსაც არ დაშორებია. მსახიობის მემუარებიდან ირკვევა, რომ მისი ცხოვრების მთავარი სიყვარული სწორედ მაიკ ტოდი იყო. თითქიმის ორჯერ უფროსმა კინოპროდიუსერმა 24 წლის მსახიობს ცოლობა 29.4 კარატიანი კარტიეს ბეჭდით სთხოვა. ისინი მექსიკაში დაქორწინდნენ და შვილიც შეეძინათ, თუმცა რამდენიმე თვეში ტოდის სიცოცხლე ავიაკატასტროფამ დაასრულა – ტოდის პირადი თვითმფრინავი, The Liz ქორწინებიდან 1 წლის შემდეგ, 1958 წლის 22 მარტს ჩამოვარდა.
- მიშელ უილიამსი და ჰით ლეჯერი
ეს ჩვენი დროის ერთ-ერთი ყველაზე ტრაგიკული ისტორიაა. მიშელი და ჰითი 2005 წლიდან განუყრელები იყვნენ – საოცრად ლამაზი წყვილი სახლს აშენებდა და პირველ შვილს ელოდა, თუმცა, მალე პრობლემები დაიწყო. ჰითი აკრძალულ ნივთიერებებზე დამოკიდებული გახდა და დეპრესიაში ჩაიძირა, რამაც 2007 წელს დაშორება გამოიწვია. 2008 წელს მსახიობი ნიუ-იორკის ბინაში გარდაცვლილი იპოვეს. გარდაცვალებამდე მან კრისტოფერ ნოლანის ფილმში ჯოკერის როლის შესრულება მოასწრო, რამაც „ოსკარი“ მოუტანა.
- რომან პოლანსკი და შერონ ტეიტი
მსახიობი შერონ ტეიტი და რეჟისორი რომან პოლანსკი ერთმანეთს ფილმის, “ვამპირების ცეკვის” გადაღებებზე შეხვდნენ. ამ დროს პოლანსკი ევროპაში ცნობილი რეჟისორი იყო, ტეიტი კი დამწყები მსახიობი. მათ 1968 წლის იანვარში იქორწინეს და საცხოვრებლად ჯერ ლოს-ანჯელესში, შემდეგ კი ბევერლი-ჰილზში გადავიდნენ. 1969 წლის 9 აგვისტოს, როდესაც პოლანსკი მივლინებაში იყო, მის სახლში ე.წ. მენსონის ბანდა შეიჭრა და ორსული შერონი და მისი სამი მეგობარი მოკლა. მივლინებაში მყოფი რეჟისორი ამ დროს ცოლის მშობიარობისთვის დაბრუნებას გეგმავდა, თუმცა მისი და შვილის დაკრძალვაზე ჩასვლა მოუწია. რომან პოლანსკიმ შერონის მკვლელობიდან თითქმის 20 წლის შემდეგ,1986 წელს, ფრანგ მსახიობსა და მოდელ ემანუელ სეინერზე იქორწინა. ამ ტრაგიკულ ისტორიას კვენტინ ტარანტინომ თავისი ბოლო ფილმი მიუძღვნა.
ასევე დაგაინტერესებთ
#OK! სიყვარულის ისტორია, რომელიც ზღაპარს ჰგავდა – მონიკა ბელუჩი და ტიმ ბარტონი დაშორდნენ
