ჰეილი ბიბერსა და სელენა გომეზს შორის სოციალურ მედიაში უთანხმოება დიდი ხნის განმავლობაში სუფევდა, რის შემდეგაც ერთმანეთს გოგონების გულშემატკივრებიც დაუპირისპირდნენ. ყველაფერი საბოლოოდ იმით დასრულდა, რომ ჰეილიმ დახმარება სელენას სთხოვა, რის შემდეგაც ჰეილის მიმართ ნეგატიური კომენტარებისა და ტექსტური შეტყობინებების გზავნა შეწყვიტეს.
რამდენიმე დღის წინ ჰეილიმ გასული თვეების სკანდალურ ვითარებაზე კომენტარი გააკეთა და აღნიშნა, რომ მისთვის ეს ყველაფერი მარტივი არ ყოფილა: “ზოგჯერ ვხუმრობ, იმიტომ რომ არ მინდა ადამიანებმა დაინახონ რეალურად როგორი ვარ. 2023 წელი ჩემთვის ყველაზე რთული პერიოდი იყო, რისი მსგავსიც აქამდე ცხოვრებაში ნამდვილად არ მქონია. ვიცი, რომ ჩემნაირად ბევრი ადამიანი გრძნობს თავს, ამიტომ, მინდა გითხრათ, რომ ჩვენ უნდა გავაგრძელოთ ცხოვრება ჩვენი მეგობრებისა და საყვარელი ადამიანებისთვის”.
