„გოჩიტს ბურგერი“ შექმნის დღიდან ზრუნავს, მიაწოდოს თავის მომხმარებელს უგემრიელესი ამერიკული სტილის ბურგერები. აღსანიშნავია, რომ პროდუქცია მზადდება ყოველგვარი დანამატის გარეშე. მისი შეძენა შესაძლებელია როგორც კაფეში, ისე ადგილზე მიტანის სერვისის საშუალებით. დეტალური ინფორმაციისთვის OK! გაესაუბრა „გოჩიტს ბურგერის“ ერთ-ერთ დამფუძნებელ გიორგი გოჩიტაშვილს.
გვიამბეთ „გოჩიტს ბურგერის“ გახსნის ისტორია.
„გოჩიტს ბურგერის“ პირველი ფილიალი თავდაუზოგავი შრომისა და დიდი წვალების შედეგად გავხსენით ვაჟა-ფშაველაზე, მ/ს „დელისის“ მიმდებარე ტერიტორიაზე. ამ იდეის განხორციელება 7-8 წლის წინ გადავწყვიტეთ, თუმცა 2019 წელს დავასრულეთ. ეს ყოველივე განპირობებული იყო იმით, რომ იმ პერიოდში საზოგადოება ჯერ კიდევ არ გახლდათ მზად, ჩვენი მხრიდან შეგვეთავაზებინა მაღალი ხარისხის პროდუქცია, რომლის ფასი იქნებოდა მისი ხარისხის პირდაპირპროპორციული. საკუთარი ხელით ვიმუშავეთ თითოეულ დეტალზე და შევქმენით ამერიკული სტილის 1, 2, 3, 4, 5-სართულიანი ბურგერი. აღსანიშნავია, რომ ჩვენ პირველები ვართ, ვინც საქართველოში ამერიკული დაპრესილი ბურგერების ტენდენციის დანერგვა დავიწყეთ. ამდენად, შექმნის დღიდან, „გოჩიტს ბურგერმა“ საზოგადოების მხრიდან დიდი სიყვარული მოიპოვა და პროდუქცია ძალზე მოთხოვნადი გახდა. ყოველივე ეს ამ განსხვავებული ბურგერისადმი ინტერესმა გამოიწვია. საქმიანობა პატარა ფართიდან დავიწყეთ, თუმცა მალევე გავფართოვდით და დღეს უკვე 15 ცენტრი გვაქვს, მათ შორიც − უკრაინაშიც. აღსანიშნავია ისიც, რომ ხელს ვუწყობთ ადამიანებს, რომელთაც ჩვენთან პარტნიორობა სურთ, ვახსნევინებთ ჩვენს სტანდარტზე მორგებულ ფილიალებს. მნიშვნელოვანია ისიც, რომ უკრაინელებმა ძალიან მარტივად მიიღეს „გოჩიტს ბურგერის“ მიერ წარმოდგენილი ახალი პროდუქცია, რამაც მოგვცა მოტივაცია იმისა, რომ სხვა ქვეყნებშიც გავხსნათ ჩვენი ფილიალი.
მთავარი ნიშა, რომელიც „გოჩიტს ბურგერს“ გამოარჩევს.
ჩვენ გვაქვს პურის საკუთარი საცხობი, აგრეთვე ჩვენსავე ბურგერებისთვის ვაწარმოებთ სხვა პროდუქციას, რომლებიც მავნე დანამატების გარეშეა წარმოდგენილი. გვაქვს ასევე ჩვენ მიერ შექმნილი სოუსები, რომელიც ბურგერის გემოს განსაკუთრებულსა და განსხვავებულს ხდის.
გვესაუბრეთ თქვენი მომსახურების სერვისთან დაკავშირებით.
მომხმარებელს პროდუქციის მირთმევა შეუძლია როგორც ადგილზე, ისე მათთვის სასურველ ლოკაციაზე მიტანის სერვისის გამოყენებით. აღსანიშნავია, რომ ადგილზე მიტანის სერვისი მოქმედებს როგორც თბილისში, ისე სხვა ქალაქებში − რუსთავში, ზუგდიდში, ფოთში, თელავსა და ქუთაისში.
რამ განაპირობა „გოჩიტს ბურგერისადმი“ საზოგადოების სიყვარული?
„გოჩიტს ბურგერისადმი“ საზოგადოების სიყვარული განაპირობა იმან, რომ ჩვენ ორიენტირებულნი ვართ, მათთვის შევქმნათ ყოველგვარი დანამატების გარეშე გამზადებული პროდუქცია და ყოველივე ეს მივაწოდოთ მათ გამართული სერვისის საშუალებით.
რა სახის გავლენა იქონია პანდემიამ „გოჩიტს ბურგერზე“?
თავდაუზოგავი შრომის შედეგად, მოვერგეთ პანდემიით გამოწვეულ სიტუაციას და ავამუშავეთ ადგილზე მიტანის სერვისი. სასიხარულოა ის ფაქტი, რომ სწორედ პანდემიის დროს დავიწყეთ გაფართოება და ახლაც, კიდევ ორი ფილიალის გახსნაზე ვმუშაობთ, რომლებიც წარმოდგენილი იქნება თბილისში.
სამომავლო გეგმები.
ჩვენს ძირითად სამომავლო გეგმებს წარმოადგენს ისევ და ისევ გაფართოება. ვგეგმავთ ფილიალების გახსნას. აგრეთვე, ვგეგმავთ საქონლის ფერმის აშენებას და საკუთარი ხორცის წარმოებას. ამ ეტაპზე მოლაპარაკებებს ვაწარმოებთ ინვესტორებთან.
საკონტაქტო ინფორმაცია:
Facebook: Gochit’s • გოჩიტ’ს
ტექსტი: მარიამ მთივლიშვილი
