ქართველ-აზერბაიჯანელი დიზაინერი გალიბ გასანოვი დღეს უკვე საერთაშორისო მოდის სამყაროშიერთ-ერთ ყველაზე საინტერესო ახალგაზრდა შემოქმედად მიიჩნევა. ქვემო ქართლის სოფელყარაჯალარში გაზრდილი დიზაინერი დღეს მილანში ცხოვრობს და საკუთარი ბრენდით – Institution by Galib Gassanoff – მსოფლიო მოდის ინდუსტრიაში სწრაფად იმკვიდრებს ადგილს.
გასანოვის გზა მოდისკენ ბავშვობიდან იწყება. ის გაიზარდა გარემოში, სადაც ერთმანეთში ერწყმოდა სხვადასხვა კულტურა, ტრადიცია და ენა. სწორედ ეს მრავალფეროვანი კულტურული გამოცდილება გახდა მისი შემოქმედების ერთ-ერთი მთავარი შთაგონება. დიზაინერი ხშირადამბობს, რომ მისი მიზანი მხოლოდ ტანსაცმლის შექმნა არ არის – მისთვის მნიშვნელოვანია ისტორიების მოყოლა და სოციალური თემების ასახვა მოდის საშუალებით.
გალიბის კარიერის მნიშვნელოვანი ეტაპი გახდა მილანში გადასვლა და მოდის სფეროში პროფესიული განვითარება. მოგვიანებით მან საკუთარი ბრენდი შექმნა, რომელიც კულტურულმემკვიდრეობასა და თანამედროვე დიზაინს აერთიანებს. ბრენდის კონცეფცია ეფუძნება იდეას, რომ მოდას შეუძლია ერთგვარი ხიდი გახდეს ტრადიციასა და თანამედროვე სამყაროს შორის.
როგორც ,,რადიო თავისუფლებასთან’’ ინტერვიუშია აღნიშნული, უცხოეთში სწავლის გეგმა გალიბგასანოვის თავდაპირველად არ ჰქონია. ერთ-ერთი მიზეზი ოჯახის ფინანსური მდგომარეობაც იყო — მისი მიზნები მაშინ მხოლოდ თბილისში სწავლას უკავშირდებოდა. როგორც თავად ამბობს: „ევროპა შეიძლება იყოს ოცნება, მაგრამ ჩემთვის ეს მაშინ რეალობისგან შორს იდგა“.
თუმცა 2013 წელს კონკურსის მოგების შემდეგ მან მშობლებს ჰკითხა, შეძლებდნენ თუ არა მისმილანში გაშვებას, რადგან სწავლა უფასო იყო, თუმცა სხვა ხარჯები თავად უნდა დაეფარა. ოჯახი სმხარდაჭერით გასანოვი იტალიაში წავიდა — ქვეყანაში, სადაც დღესაც ცხოვრობს და მუშაობს.
როგორც ,,რადიო თავისუფლებასთან” ინტერვიუში განაცხადა დიზაინერმა პირველი ბრენდითანაკურსელ ლუკა ლინისთან ერთად დაარსა, რომელსაც Act n°1 ერქვა. როგორც ისინტერვიუში ამბობს, ბრენდის მთავარი იდეა მულტიკულტურული პროექტის შექმნა იყო — სივრცე, სადაც სხვადასხვა კულტურულ გარემოში გაზრდილი ორი დიზაინერის განსხვავებული გამოცდილება და ხედვა ერთიანდებოდა.
ბოლო წლებში გასანოვის კარიერა განსაკუთრებით სწრაფად განვითარდა. მისი ბრენდი 2026 წელს საერთაშორისო კონკურსის – Zalando Visionary Award – გამარჯვებული გახდა, რაც ახალგაზრდადიზაინერისთვის მნიშვნელოვანი აღიარებაა. პრიზთან ერთად მან მიიღო ფინანსური მხარდაჭერადა შესაძლებლობა, კოპენჰაგენის მოდის კვირეულზე ახალი კოლექცია წარადგინოს.
გალიბ გასანოვის კოლექციები ხშირად ეფუძნება კავკასიური კულტურისა და ხელსაქმის ტრადიციებს. დიზაინერი თანამშრომლობს რეგიონების ხელოსნებთან და ცდილობს, ტრადიციული ტექნიკები თანამედროვე მოდის ენაზე გადმოსცეს. მისი ნამუშევრები გამოირჩევა ტექსტილთ ან ექსპერიმენტით, არქიტექტურული სილუეტებითა და ძლიერი კულტურული ნარატივით.
დღეს გალიბ გასანოვი მსოფლიო მოდის ინდუსტრიაში ამომავალ ვარსკვლავად მიიჩნევა. მისიმიზანი მასშტაბური მოდის იმპერიის შექმნა კი არა, არამედ ისეთი ბრენდის ჩამოყალიბებაა, რომელიც კულტურას, ხელოვნებასა და საზოგადოების ისტორიებს გააერთიანებს. სწორედ ამხედვით ცდილობს ის, რომ კავკასიის მემკვიდრეობა თანამედროვე მოდის გლობალურ სცენაზე წარმოაჩინოს.
