2017 წლიდან „ESB − ევროპის ბიზნეს სკოლა“ ბიზნესის მფლობელებს, დამფუძნებლებს, დირექტორებს, ტოპ-მენეჯერებსა და ხელმძღვანელებს მასპინძლობს. აქ არსებული პროგრამა მორგებულია თანამედროვე სტანდარტს და გათვლილია იმ ბიზნესმენებზე, რომელთათვისაც განვითარება ყველაზე პრიორიტეტულია. „ESB − ევროპის ბიზნეს სკოლის“ მისია გახლავთ ევროპული ბიზნეს მმართველობითი სტანდარტის ინტეგრაცია საქართველოში, ევროკავშირის (EQF) საკვალიფიკაციო სტანდარტის მიხედვით. დეტალური ინფორმაციისთვის OK! გაესაუბრა „ESB − ევროპის ბიზნეს სკოლის“ დამფუძნებელს, ბიზნესტრენერს, კონსულტანტს, ევროპაში აკრედიტებულ მარკეტერსა და პიროვნული განვითარების მენტორს, გიორგი კუჭუხიძეს.
როგორ გაჩნდა „ESB − ევროპის ბიზნეს სკოლის“ შექმნის იდეა?
ევროპის მარკეტინგის კონფედერაციის მარკეტინგის მენეჯმენტის მიმართულებით აკრედიტაციის მისაღებად, გავიარე სპეციალური პროგრამები, ამ ორგანიზაციის ბორდის წევრი ვიყავი და ვმუშაობდი სხვადასხვა გლობალურ კომპანიასა და ბრენდთან ერთად, რა დროსაც ძალიან ბევრჯერ გადაეკვეთა აღნიშნული პროგრამები ბიზნესსაქმიანობას. ყოველივე ამან, და ფაქტმა, რომ საქართველო ევროპის ქვეყნების მიერ დაგროვილ კომპეტენციასა და გამოცდილებას ბოლომდე არ იყენებს, გადამაწყვეტინა, დამეწყო მიღებული ცოდნის ჩემსავე პრაქტიკაში გადმოტანა, რამაც დიდი შედეგი გამოიღო. შესაბამისად, გამიჩნდა სურვილი, საქართველოში ყოფილიყო ეს პროგრამები, და შევქმენი „ESB − ევროპის ბიზნეს სკოლა“, რაც თავის თავში გულისხმობს ბიზნესის მართვის ევროპული სტანდარტის ინტეგრაციას ჩვენს ქვეყანაში.
გვესაუბრეთ „ESB − ევროპის ბიზნეს სკოლის“ პროგრამის შესახებ.
ჩვენ გვაქვს ტოპ-მენეჯმენტის 4-დონიანი სრული CEO-პროგრამა და აგრეთვე, მე-5 დონის პროგრამა მარკეტინგისა და გაყიდვების მიმართულებით, რომლის დასრულების შემდეგ, გაიცემა მსოფლიოში აღიარებული სერტიფიკატი. ამასთან, გვაქვს ბიზნესსაკონსულტაციო მიმართულება, რითაც ჩვენთან მოსულ ადამიანებს ვეხმარებით კომპანიის სტრატეგიულ ანალიზში. კერძოდ − დიაგნოსტიკის, კომერციული ნაწილისა და მარკეტინგული მენეჯმენტის დიაგნოსტიკის მიმართულებით.
საზოგადოების რომელ სეგმენტზეა გათვლილი ტოპ-მენეჯმენტის სრული CEO პროგრამა?
ეს პროგრამა განკუთვნილია ბიზნესის მფლობელებისთვის, დამფუძნებლებისთვის, დირექტორებისთვის, ტოპ-მენეჯერებისთვის და ხელმძღვანელებისთვის. იგი ადაპტირებულია ქართულ რეალობასთან, შესაბამისად, „ESB − ევროპის ბიზნეს სკოლაში“ შემოტანილი გვაქვს ის აუცილებელი კომპეტენციები, მაგალითად, ფინანსების, მარკეტინგის, პროექტების მართვის, HR-ის, ბრენდინგისა და სტრატეგიული ანალიზის მიმართულებით, რომელიც ჩვენს ქვეყანას სრულად ერგება. რაც შეეხება ტრენერებს, ისინი ჩვენ მიერ სხვადასხვა მოდულში არიან მოწვეულნი. შესაბამისად, იცვლებიან კიდეც.
დაბოლოს, რატომ უნდა ავირჩიოთ „ESB − ევროპის ბიზნეს სკოლის“ ტოპ-მენეჯმენტის CEO-პროგრამა?
აღნიშნული პროგრამა ძალზე მნიშვნელოვანია როგორც ბიზნესის, ისე ლიდერის პიროვნული თვისებების მუდმივი განვითარებისთვის. აღსანიშნავია ისიც, რომ აქ მიღებული თეორიული და პრაქტიკული ცოდნით, ადამიანები შედეგს ძალიან მალე ხედავენ. სწორედ ეს არის ის მთავარი კომპონენტები, რითაც „ESB − ევროპის ბიზნეს სკოლა“ მუდმივად ამაყობს.
ტექსტი: მარიამ მთივლიშვილი
