ჰოლივუდში ახალი წყვილი გამოჩნდა — ბოლო დროს მსახიობი ზოი კრავიცი და პოპულარული ჯგუფის, One Direction მუსიკოსი ჰარი სტაილსი სულ უფრო ხშირად ჩნდებიან ერთად. ახალი ვარსკვლავური წყვილი ჯერ რომში, ახლა კი ნიუ-იორკში შენიშნეს, სადაც ხელჩაკიდებულები სეირნობდნენ და ყავას სვამდნენ.
ერთი კვირით წინ მედიაში გავრცელდა ცნობა, რომ წყვილს ლონდონში პაემანი ჰქონდა. The Sun-ის წყარომ შეყვარებულების შეხვედრა ასე აღწერა: „ისინი კაფეში ერთად მივიდნენ, კუთხეში მდგარ მაგიდასთან დასხდნენ და ერთმანეთს შეყვარებული მოზარდებივით კოცნიდნენ. ჩანდა, რომ სულაც არ აინტერესებდათ, ვინმე დაინახავდა თუ არა. ეს აშკარად პაემანი იყო და ისინი ძალიან კარგები იყვნენ.
აღსანიშნავია, რომ 31 წლის ჰარი სტაილსს მექალთანის რეპუტაცია აქვს. მისი ყოფილი საყვარელების სიაში არიან ტეილორ სვიფტი, ნიკოლ შერზინგერი, კენდალ ჯენერი, ოლივია უაილდი და ემილი რატაკოვსკი და ტეილორ რასელი.
რაც შეეხება 36 წლის ზოი კრავიცს, ის მსახიობებს პენ ბედგლის, კარლ გლუსმანს და ჩანინგ ტატუმს ხვდებოდა. 2023 წლის ოქტომბერში კრავიცმა და ტატუმმა სამწლიანი ურთიერთობის შემდეგ ნიშნობა დაადასტურეს, ხოლო 2024-ში წითელ ხალიჩაზე ერთად გამოჩნდნენ, თუმცა საქმე ქორწილამდე არ მისულა —შემოდგომაზე წყვილი ოფიციალურად დაშორდა. გავრცელებული ინფორმაციით, მიზეზი განსხვავებული პრიორიტეტები იყო — ზოი ცდილობდა კარიერისთვის მეტი დრო დაეთმო, ჩანინგს კი მშვიდი და ზომიერი ცხოვრება სურდა. მანამდე კრავიცი მსახიობ კარლ გლუსმანის ცოლი იყო, რომელსაც 2021 წელს დასცილდა.
გამოცემა TMZ -ის ინფორმაციით, კრავიცისა და სტაილსის ურთიერთობაზე დასკვნების გამოტანა ნაადრევია, რადგან წყვილი ჯერჯერობით ოფიციალურ ურთიერთობას არ გეგმავს, თუმცა მათი კავშირი საკურორტო რომანის ფარგლებს აშკარად გასცდა.
