ჯანსაღი და მოვლილი კბილები გარანტიაა ლამაზი ღიმილისა, რომელსაც ნებისმიერი ადამიანის გარეგნობაში უმნიშვნელოვანესი როლი უჭირავს. OK! სტომატოლოგ ქეთევან ხიზანიშვილის შესახებ გიამბობთ, რომელიც სწორედ ამ მისიას ემსახურება. მისი მიზანი და პრიორიტეტი კმაყოფილი და ბედნიერი პაციენტები არიან, რასაც არაჩვეულებრივად ართმევს თავს და დღემდე არაერთი მომხმარებლის სურვილი აუსრულებია ჯანსაღ და ლამაზ ღიმილთან დაკავშირებით.
ქეთი, გვიამბეთ თქვენ შესახებ. რატომ აირჩიეთ ეს პროფესია, სად მიიღეთ განათლება და რა გზა გაიარეთ დღევანდელ დღემდე?
ბავშვობიდან მინდოდა ექიმობა. როდესაც გამოცდები სახელმწიფო სამედიცინო უნივერსიტეტში ჩავაბარე, ჩემი სურვილი იყო კოსმეტოლოგობა. მინდოდა ესთეტიკაზე მემუშავა, ადამიანები გამელამაზებინა. ნაწილობრივ, ეს სურვილი ავისრულე. ვმუშაობ ესთეტიკაზე, ოღონდ კბილებისა და ღიმილის მიმართულებით, რაც ძალიან მნიშვნელოვან როლს ასრულებს ადამიანის გარეგნობაში. ამაში ხელს მიწყობს ის ფაქტი, რომ ვმუშაობ სხვადასხვა პროფილით, მაქვს ყველა სტომატოლოგიური ლიცენზია, რაც მეხმარება სხვადასხვა მეთოდიდან ავარჩიო ის მეთოდი და მიდგომა, რომელიც კონკრეტული პაციენტისთვის საუკეთესო იქნება.
დღემდე ვსწავლობ და ვვითარდები ჩემს დარგში. მაქვს 22-წლიანი გამოცდილება. ვარ 2-გზის გამარჯვებული (საქართველოს პრიზმა ჩემპიონი) წინა კბილების მხატვრულ რესტავრაციაში და სხვადასხვა ჯილდოსა და პრიზის მფლობელი.
რამდენი ხანია, რაც ქ. ხიზანიშვილის სტომატოლოგიური ცენტრი ბაზარზე ოპერირებს?
ქ. ხიზანიშვილის სტომატოლოგიური ცენტრი ბაზარზე 5 წელია უკვე ოპერირებს და უამრავი ერთგული მომხმარებელი ჰყავს. ჩემთვის ყველაზე მნიშვნელოვანი მათი ბედნიერი ღიმილია, რაც მოტივაციას მაძლევს, ვიყო საუკეთესო ჩემს პროფესიაში.
რა სახის პროცედურებს სთავაზობთ პაციენტებს?
პაციენტებს ვთავაზობთ ყველა სახის სტომატოლოგიურ მომსახურებას ერთ სივრცეში, მათ შორის:
- თერაპიული მკურნალობა
- ორთოპედიული მკურნალობა
- ორთოდონტია
- ქირურგია
- იმპლანტაცია
- გნათოლოგია
- პაროდონტოლოგიური მკურნალობა
- ბავშვთა სტომატოლოგია
- ესთეტიკური სტომატოლოგია
ამ ყველაფრის ცოდნა მეხმარება მივიღო უფრო და უფრო კარგი შედეგები. მიმაჩნია, რომ მომავალი ანტიეიჯ-სტომატოლოგიისაა, რომელიც მოიცავს ყველა ჩამოთვლილ სტომატოლოგიურ პროფილს.
გვესაუბრეთ თქვენს მიდგომებზე და პრინციპებზე.
ჩემი კონტაქტი პაციენტთან კონსულტაციით იწყება. უპირველესად, პაციენტი უნდა მოვიდეს კონსულტაციაზე, მოიტანოს ან ადგილზე გაიკეთოს გამოკვლევები (პანორამული რენტგენი, ტელერენტგენოგრამა, კ/ტ), რომელსაც საჭიროდ მივიჩნევ. ამ გამოკვლევებზე დაყრდნობით, პაციენტს ვაცნობ მკურნალობის გეგმას.
როგორც აღვნიშნე, დღემდე ვსწავლობ, ამიტომ ყოველთვის ვცდილობ დავნერგო ახალი მიდგომები და ტექნოლოგიები. კლინიკაში გვაქვს უახლესი დიაგნოსტიკური აპარატურა. ჩემი მკურნალობა ყოველთვის ორიენტირებულია შედეგზე. ვცდილობ პაციენტთან ერთად გავიარო ყველა დეტალი. მაქსიმალურად დაწვრილებით ავუხსნა და განვუმარტო მკურნალობის სხვადასხვა ეტაპი.
გვესაუბრეთ შედეგებზე.
ჩვენი შედეგები შეგიძლიათ იხილოთ კლინიკის ინსტაგრამ-გვერდზე: kkhizanishvilidentalcenter
ჩვენი პრიორიტეტი კმაყოფილი და ბედნიერი პაციენტია.
სამომავლო გეგმები.
ჩემი სამომავლო გეგმები გაფართოებას უკავშირდება. ვგეგმავ ახალი, უფრო დიდი კლინიკის გახსნას, სადაც სტომატოლოგიურს დაემატება ესთეტიკური მიმართულებაც.
