თინათინ მაღალაშვილი: მე მხატვარი ვარ და ძალიან მიყვარს თეატრალური და საკარნავალო კოსტიუმების შექმნა. ამას დიზაინერის ცელქობას ვეძახი. ჩემი ფანტაზია იშლება. აქ საზღვრები არ არსებობს და გარდა იმისა, რომ მე ეს სიამოვნებას მანიჭებს. ამ ტიპის კოლექცია სერიოზული ბიზნესიცაა. დღეს ჩემს საკარნავალო კოლექციაში ოთხასამდე კოსტიუმია თავისი აქსესუარებით და პარიკებით.
რაც შეეხება ფოტოსესიას, ყოველი ახალი კოსტიუმისთვის ის განსაკუთრებით მნიშვნელოვანია. კარგი ფოტოა არის ის გზავნილი, რომელსაც კოტიუმის არსი ადამიანებამდე მიყავს. მიმაჩნია, რომ საკარნავალო და თეატრალური კოლექციები ხელოვნებაა და ხელოვნების დონეზე უნდა იყოს მათი ფოტოსესიებიც. პროფესიონალმა ფოტოგრაფმა ეს იცის და რეალურად მასზეა დამოკიდებული როგორ წარმოაჩენს შენი დიდი შრომის შედეგს.
ფოტოხელოვანის და დიზაინერის ტანდემი უმნიშვნელოვანესია ჩვენს სფეროში. ფოტოხელოვანის ნიჭზეა დამოკიდებული ყველა კოლექციის ბედი და მომავალი. ჩემი და ლაშა შალამბერიძის თანამშრომლობა და მეგობრობა წლების წინ დაიწყო და დღეს ერთმანეთს ვაძლევთ სტიმულს. ძალიან ხშირად ბრმად მივყვები ხოლმე ლოკაციაზე და მისი არჩევანი ყოველთვის იდეალურად ერგება ჩემს შექმნილ კოსტიუმებს.
ამ ფოტოსესიაზეც ასე გამოვყევი.. მითხრა ძალიან მაგარ ადგილს მივაგენიო და მართლაც საოცარი გარემოა. წასვლა აღარ მინდოდა.
როცა ფოტოსესიას აკეთებ ერთ ადგილას მოსაწყენი არ უნდა იყოს. აქ კი ისეთი მრავალფეროვნება დაგვხვდა.. მადლობელი ვარ სიდრის კლუბის ასეთი გამორჩეულად თბილი მასპინძლობისთვის. პატარა სამოთხე აქვთ ბაზალეთის ტბის პირას, მისტიური გარემო თავისი სამოთხის ვაშლებით, ბაღით, ორიგინალური ინტერიერით და გემოებით.. ისეთი საოცარი დღე იყო, პირველად გამიჩნდა დარჩენის სურვილი.. სიდრი საერთოდ პირველად გავსინჯე და ამ ფოტოსესიის ყველაზე სასიამოვნო აკორდი იყო.. სხვათაშორის, წიგნებში კი მქონდა წაკითხული, პერსონაჟები სიდრს რომ სვამდნენ და სულ მაინტერესებდა, რა იყო ეს სიდრი. რაღაც მისტიკური სასმელი მეგონა.. ალკოჰოლს საერთოდ არ ვსვამ, მაგრამ სიდრის დასალევად ბაზალეთზე, ყოველთვის სიამოვნებით ავალ მეგობრებთან ერთად. გაზაფხულზე კი უკვე პროფესიონალური კოლექციის ფოტოსესიას წარვადგენ სიდრის კლუბიდან.
ლაშა შალამბერიძე,ფოტოხელოვანი: ლოკაცია ყოველთვის ირჩევა კოლექციის თემატიკის მიხედვით. შეიძლება ერთი შეხედვით სხვამ ვერაფერი საერთო ვერ დაინახოს ლოკაციასა და ლუქების სტილს შორის, მაგრამ მერე ფოტოთი ხვდებიან, რომ ეს სწორედ ის იყო, რაც ამ კოლექციას მოუხდებოდა.
ეს კონკრეტული კოლექცია საკმაოდ სპეციფიკური იყო და მოდელისგან სამსახიობო ხელოვნებასაც მოითხოვდა. თინათინს თავადაც ძალიან დახვეწილი გემოვნება აქვს და მისმა მოდელებმაც იციან, რას ვითხოვ ხოლმე მათგან. დღეს თანამედროვე სმარტფონებმა ბევრ ადამიანს გაუჩინა ფოტოების გადაღების სურვილი, მაგრამ ფოტოგრაფია მხოლოდ ლამაზი სურათი არ არის. სადაც ლამაზად გამოიყურები. ძალიან ბევრ ფაქტორს აქვს მნიშვნელობა. სულ დავდივარ და ახალ ახალ ადგილებს ვეძებ, მაგალითად, სიდრის კლუბი ბაზალეთზე აღმოჩენა იყო ჩემთვის. გამორჩეულად ლამაზი და ორიგინალური ადგილია. ტბა.. მზე.. ნიავი.. ჭაობის მცენარეები.. და უცებ ყველაზე თანამედროვე ბიოწარმოება. .. ვაშლი.. სიდრი.. მომავლის ტექნოლოგიები.. ძალიან ეფექტურია ეს ყველაფერი..
