„დილსი“ არის ტანსაცმლის ქართული ბრენდი, რომელიც დაარსდა 2021 წელს. „დილსი“ საზოგადოებას სთავაზობს დახვეწილი დიზაინის სამოსს, რომელიც ნატურალური ქსოვილისგან მზადდება. „დილსის“ ფერადი სამოსი განსაკუთრებულად უხდება ამ სეზონს. ბრენდის სამომავლო გეგმებზე ჟურნალ OK!-ის ესაუბრა მისი დამფუძნებელი − ნათია სიჭინავა.
უპირველეს ყოვლისა, გაგვაცანით ბრენდი.
„დილსი“ წელიწადია, რაც გამოჩნდა საზოგადოების წინაშე. მისი შექმნის იდეა ჯერ კიდევ სამხატვრო აკადემიაში სწავლისას გამიჩნდა და ძალიან მიხარია, რომ ის განვახორციელე. მინდოდა ქართველი მომხმარებლისთვის შემეთავაზებინა დახვეწილი, ფერადი და გემოვნებიანი სამოსი. ვცდილობთ მაქსიმალურად შევძლოთ ჩვენი გუნდის შემოქმედებითი ხედვის რეალიზება, ასევე ვიყოთ ხარისხზე ორიენტირებული.
რას სთავაზობთ მომხმარებელს?
„დილსი“ ამ სეზონზე საზოგადოებას სთავაზობს ტილოს ორეულებს და კაბებს. კოლექციის თითოეული მოდელი განსაკუთრებული ესთეტიკით გამოირჩევა. პროდუქციის შექმნისას ვითვალისწინებ როგორც ჩემს გემოვნებას, ისე მოდის ტენდენციებს და მომხმარებლის მოთხოვნას.
რა გამოგარჩევთ ბაზარზე სხვებისგან?
ჩვენი სამოსი კომფორტულია ნებისმიერ სიტუაციაში და ნებისმიერ სეზონზე. განსხვავებული სტილი არის ის, რაც გამოგვარჩევს ბაზარზე. ასევე, ვცდილობთ მომხმარებელს შევთავაზოთ მაღალი ხარისხის პროდუქცია მისაღებ ფასად.
ამჟამად სად შეუძლია მომხმარებელს თქვენი პროდუქციის შეძენა?
„დილსის“ სამოსის შეძენა შესაძლებელია ონლაინ. საზოგადოებისთვის გვაქვს სიახლე: 10 აგვისტოს ბათუმში, მოლში იხსნება ჩვენი ბრენდის შოურუმი, სადაც შესაძლებელი იქნება ჩვენი ახალი და მრავალფეროვანი კოლექციის შეძენა.
სამომავლო გეგმები…
მეტი სკრუპულოზურობა, მოდერნიზმი და ინსპირაცია − ეს ყველაფერი არის გემოვნებიანი და მრავალფეროვანი კოლექციის გარანტი. ჩვენი მიზანია, საზოგადოებას შევთავაზოთ განსხვავებული და ხარისხიანი სამოსი, რათა მომხმარებლებს ჰქონდეთ უფრო მრავალფეროვანი არჩევანი. მუდმივი განვითარება და საინტერესო იდეების რეალიზება ჩვენი გუნდის მთავარი პრინციპია.
სტილი: თამთა დალაქიშვილი
ფოტო: ალექსეი სეროვი
ვიზაჟი: სოფია საენკო
მოდელები: ნინო ქუთელია / მარიამ კელბერაშვილი (look models management)
ჩაცმულობა: „დილსი“
