„დეკოლაინთან“ ერთად რემონტი სწრაფი, მარტივი და ახლა უკვე ყველასათვის ხელმისაწვდომია
სამშენებლო და სარემონტო კომპანია „დეკოლაინი“ ქართულ ბაზარზე გამოჩენის დღიდან ცდილობს მომხმარებლის სასიამოვნო სიახლეებით განებივრებას. ამჯერად კი თქვენთვის ორი მნიშვნელოვანი აქცია აქვს: რემონტი შიდა უპროცენტო განვადებით და ემიგრანტებისთვის უფასო 24-საათიანი ვიდეოკამერის დამონტაჟება ობიექტზე, რომელიც დაგეხმარებათ სხვა ქვეყნიდან ადევნოთ თვალი თქვენი სახლის გარემონტების პროცესს. დეტალური ინფორმაციისთვის OK! გაესაუბრა „დეკოლაინის“ კომერციულ დირექტორს, ნათია ასპანიძეს.
გვიამბეთ „დეკოლაინის“ შექმნის ისტორია.
„დეკოლაინი“ 2016 წელს დაფუძნდა. იგი ჯერ კიდევ პატარა კომპანიად მიიჩნევა, ვინაიდან ბაზარზე თავის დასამკვიდრებლად მსგავსი ტიპის ბიზნესებს გარკვეული დრო სჭირდებათ. მიუხედავად ამისა, ჩვენმა კომპანიამ საკმაოდ მოკლე დროში შეძლო საზოგადოების ნდობის მოპოვება. „დეკოლაინის გუნდმა“ სწორედ მომხმარებლებზე ორიენტირებული მომსახურების სერვისი შექმნა, რაც გულისხმობს იმას, რომ მათ არ უწევთ დამატებითი დროისა და ენერგიის ხარჯვა ჩვენთან მუშაობისას, ვინაიდან დაწყებული ხარჯთაღრიცხვით და დასრულებული დიზაინის შერჩევითა და რემონტით, ყველაფერს ვთავაზობთ. აღსანიშნავია ისიც, რომ „დეკოლაინი“ ორი მიმართულებით მუშაობს − მშენებლობა და რემონტი.
წარმოგვიდგინეთ „დეკოლაინის“ გუნდი.
„დეკოლაინი“ ძალიან ბევრ პროფესიონალს მოიცავს, რომელთა მთავარი მიზანი მომხმარებლის კმაყოფილებაა. აქ ერთიანდებიან არქიტექტორები, ინტერიერის დიზაინერები, ტექნიკური სამსახური, შესყიდვები და გაყიდვების მენეჯერები. აღსანიშნავია ისიც, რომ ჩვენ საქართველოში არსებულ ყველა სამშენებლო და სარემონტო ჰიპერმარკეტთან ვთანამშრომლობთ. როდესაც მომხმარებელი მისთვის სასურველ პროდუქციას შეარჩევს და გვეტყვის, შემდეგ ჩვენ თვითონ ვიძენთ და მიგვაქვს ობიექტზე, რაც მათთვის კომფორტს წარმოადგენს.
გაგვაცანით „დეკოლაინის“ განსაკუთრებული შეთავაზებები.
• აქცია ემიგრანტებისათვის − 24-სააათიანი ლაივსტრიმის მეშვეობით, საშუალება ექნებათ დისტანციურად თვალი ადევნონ მათ სახლში მიმდინარე სარემონტო სამუშაოებს. ეს იმას ნიშნავს, რომ მფლობელთა ობიექტზე დამონტაჟდება ვიდეოკამერები, რომელთა მეშვეობით ქვეყნის საზღვრებს გარეთ მყოფი მოქალაქეები მუდმივად არიან სარემონტო პროცესში ჩართულნი და აქვთ სრული ინფორმაცია, თუ რა ეტაპზეა მათი რემონტი.
• აქცია „რემონტი განვადებით“ − ეს გახლავთ უნიკალური შესაძლებლობა ყველა მოქალაქისათვის, რომ საცხოვრებელი გარემო გახადონ კომფორტული და სასიამოვნო. ეს არის საშუალება, რემონტი იყოს ყველასათვის ხელმისაწვდომი.
გვესაუბრეთ „დეკოლაინის“ სამომავლო გეგმებთან დაკავშირებით.
ჩვენ ვგეგმავთ მოვიცვათ მთელი საქართველო. არქიტექტურისა და მშენებლობის თვალსაზრისით, უკვე გავცდით დედაქალაქს, თუმცა ახლა ვგეგმავთ რემონტის მხრივაც განვავრცოთ ჩვენი არეალი, რისთვისაც უკვე ვდგამთ ქმედით ნაბიჯებს. სექტემბერში გავხსენით ჩვენი ფილიალი ბათუმში, გაზაფხულზე კი ვგეგმავთ ფილიალის გახსნას ქუთაისსა და ზუგდიდში, წლის ბოლოს კი აღმოსავლეთ საქართველოში გადავინაცვლებთ.
