OK! გესაუბრებათ ოპტიკური ბრენდის „აფლელუ პარიზის“ შესახებ, რომლის პირველი მაღაზიის საზეიმო გახსნა 17 სექტემბერს სითი მოლში შედგა. იგი გახლავთ ფრანგული ბრენდი 42-წლიანი ისტორიით, რომელიც მსოფლიო მასშტაბით 1418 მაღაზიას აერთიანებს. ეს არის საუკეთესო შესაძლებლობა, ერთ სივრცეში მიიღოთ უმაღლესი ხარისხის სრული ოპტიკური სერვისი, დაწყებული ოფთალმოლოგის და დასრულებული ტექნიკოსის მომსახურებით. აღსანიშნავია ისიც, რომ „აფლელუ პარიზში“ ოპტიკური ჩარჩოების, სასათვალო და კონტაქტური ლინზების, აქსესუარების ფართო არჩევანი დაგხვდებათ; რაც მთავარია, აღნიშნული მაღაზია გაძლევთ საშუალებას ეზიაროთ მსოფლიო წამყვანი ბრენდების მზის სათვალეების და ოპტიკური ჩარჩოების ისეთ ფართო არჩევანს, როგორიცაა Tom Ford, Gucci, Montblanc, Mykita, Ray-ban, Persol, Komono და სხვა. მნიშვნელოვანია ისიც, რომ მხოლოდ „აფლელუ პარიზშია“ ექსკლუზიურად წარმოდგენილი კრეატიული ამერიკული ბრენდის „Moscot“-ის კოლექცია.
„ჩვენი მთავარი მიზანია მომხმარებელს შევუქმნათ მაქსიმალური კომფორტი და შევთავაზოთ უმაღლესი ხარისხის პროდუქცია და სერვისები. მეტი კომფორტისთვის მომხმარებელს მივეცით შესაძლებლობა ოპტიკური ჩარჩო მისივე რეცეპტით მიიღოს უმოკლეს დროში, მოლიდან გაუსვლელად, რაც, ვფიქრობთ, ძალიან დიდი კომფორტია.
„აფლელუ პარიზის“ ბრენდი მომხმარებელს უპრეცენდენტო შეთავაზებას სთავაზობს – ეს არის Tchin Tchin აქცია – რაც გულისხმობს, რომ ერთი სათვალის შეძენის შემთხვევაში მეორე აფლელუს კოლექციიდან შეგიძლით მიიღოთ 1 ლარად.
ასევე მინდა აღვნიშნო, „აფლელუ პარიზის“ სათვალეების საბავშვო ხაზი, რომელიც არის მოქნილი და ადაპტირდება პატარების ცხოვრების წესთან. მსუბუქი და გაუტეხელი სათვალის ძირითადი მახასიათებლებია: მოქნილი ხიდი, რომელიც იცვლის და ინარჩუნებს ფორმას, რეგულირებადი სათვალის ყურები. კოლექცია შედგება 18 ვარიანტისგან, რომლებიც განკუთვნილია ჩვილობიდან სკოლის ასაკამდე ბავშვებისთვის.“ – „აფლელუ პარიზის“ პროექტის ხელმძღვანელი ნანუკა ჭანტურია.
ტექსტი: მარიამ მთივლიშვილი
