კლინიკა „დადიმედი“ უნიკალური შესაძლებლობაა ერთ სივრცეში ისარგებლოთ კოსმეტოლოგიური და ტანის საკორექციო მომსახურების სერვისით. აქ მოსულ თითოეულ ადამიანს დახვდება სასიამოვნო გარემო და პროფესიონალთა გუნდი, რომელიც დაეხმარება მას განტვირთვასა და უმაღლესი შედეგის მიღებაში. აღსანიშნავია ისიც, რომ „დადიმედის“ თითოეული პროცედურა ტარდება მაღალ სტანდარტს მორგებული ინიექციებითა და უახლესი აპარატურით. დეტალური ინფორმაციისთვის OK! გაესაუბრა კლინიკის დამფუძნებელსა და დირექტორს, ნანა დადიანს.
გვიამბეთ კლინიკა „დადიმედის“ ისტორია.
მე გახლავართ კოსმეტოლოგი, ლაზეროთერაპევტი და ინიექციონისტი. ჩემი საქმიანობა ერთი კაბინეტიდან დავიწყე. თავდაუზოგავმა შრომამ, მონდომებამ, უდიდესმა სურვილმა და ძალიან ბევრმა კმაყოფილმა პაციენტმა საკუთარი კლინიკის დაარსებისკენ მიბიძგა. სწორედ ასე შეიქმნა ერთი კაბინეტიდან „დადიმედის“ ორი კლინიკა. პირველი ფილიალი გავხსენი სამეგრელოში, კერძოდ სენაკში, რომელსაც ჩემი და − დეა დადიანი, უძღვება. რაც შეეხება კლინიკის სახელს, ვინაიდან ჩემი გვარი ისტორიულია, გადავწყვიტე კლინიკისთვის „დადიმედის“ დარქმევითა და თავისი ხარისხიანი მომსახურების სერვისით ისიც ისტორიული გამეხადა. შედეგად, მალევე გავფართოვდით და მეორე ფილიალი გავხსენით თბილისში, რომელსაც მე და ჩემი მეორე და − ანო დადიანი, ვუძღვებით.
გვესაუბრეთ „დადიმედის“ მომსახურების სერვისთან დაკავშირებით.
ჩვენს პაციენტებს ვთავაზობთ როგორც კოსმეტოლოგიურ, ისე ტანის საკორექციო მომსახურებას. რაც შეეხება უშუალოდ კოსმეტოლოგიური მომსახურების მიმართულებებს, ესენი გახლავთ: კოსმეტოლოგიური, კოსმეტოლოგიურ-ინიექციური, აპარატურული პროცედურები, ლაზერული ეპილაცია ბოლო თაობის აპარატით. ტანის საკორექციო მომსახურებაში კი შედის პროცედურების კავიტაციის, კრიოს, პრესოს, ვაკუუმის აპარატებით ჩატარება.
გვესაუბრეთ პროცედურებთან დაკავშირებით. რამდენად ეფექტური და უვნებელია მათი ჩატარება?
თითოეული პროცედურა, რომელსაც ჩვენს პაციენტებს ვთავაზობთ, არის უსაფრთხო. ჩვენ უდიდეს ყურადღებას ვაქცევთ, რომ ყველაფერი გავაკეთოთ უმაღლესი ხარისხით. შესაბამისად, ის აპარატურა და ინიექციები, რომლებსაც პროცედურების ჩატარების დროს ვიყენებ, არის სრულიად უსაფრთხო და უმაღლესი ხარისხის. აღსანიშნავია ისიც, რომ თითოეული ადამიანი, რომელიც „დადიმედში“ შემოდის, ხდება ჩემი ოჯახის წევრი. მინდა გითხრათ ისიც, რომ ჩვენთან ერთად გაიზარდნენ პაციენტები. ზოგიერთი მათგანი დღეს უკვე ჩვენი თანამშრომელიც კი არის.
როგორი გავლენა იქონია პანდემიამ თქვენს საქმიანობაზე?
ჩვენს სფეროზე პანდემიამ, რა თქმა უნდა, დიდი გავლენა იქონია. გარკვეული პერიოდი მუშაობის გაჩერებაც კი მოგვიხდა ეპიდემიოლოგიური მდგომარეობის გაუარესების გამო. თუმცა შემდეგ ახალი შემართებითა და ყველანაირი რეგულაციის დაცვით, კვლავ განვაახლეთ მუშაობა.
გვესაუბრეთ თქვენს სამომავლო გეგმებთან დაკავშირებით.
ბევრი სამომავლო გეგმა გვაქვს და კვლავაც ვაპირებთ გაფართოებას, რათა უფრო მეტი ადამიანისთვის გავხდეთ ხელმისაწვდომი ჩვენი მომსახურების სერვისით.
საკონტაქტო ინფო
https://www.facebook.com/EstheticcenterDM/
მისამართი: ქ. თბილისი, ზღვისუბნის დასახლება მე-10 კვარტალი, 25-ე კორპუსი
ქ. სენაკი: კოსტავას ქ#34
ტექსტი: მარიამ მთივლიშვილი
ფოტო: ალექსეი სეროვი
