ჩვენი რუბრიკის #OK! ჭიქა ყავასთან სტუმრები არიან Gen z – ისთვის კარგად ცნობილი პროექტის ავტორები ლიო ჩხეიძე და ილა წულაძე. მაშინ, როდესაც 2024 წლის მარტში ქვეყანა საპროტესტო აქციებმა მოიცვა, LIO with ILA-ს სიმღერა IAWO მთელს ქვეყანას მოედო და იგი აქციების საუნდტრეკად იქცა. გთავაზობთ #OK-ის ექსკლუზიურ ინტერვიუს პროექტის ავტორებთან, რომლებიც ისაუბრებენ პროექტის დაარსების იდეასა და სიმღერის შექმნის პროცესზე.
რუბრიკის პარტნიორია მალონგო 
მოგვიყევით პროექტის შექმნის იდეაზე…
LIO: მუსიკალური გადაკვეთა მე და ილას არასდროს გვქონია. ძალიან სპონტანურად მოხდა. ილას მანამდე ნათქვამი ჰქონდა, რომ თუ დაგჭირდეს ჩემი დახმარება, დაგეხმარებიო. როდესაც იდეა გამიჩნდა მუსიკის შექმნის, მივწერე და მან შენთან ვარო, ჰოდა მას შემდეგ დავიწყეთ პროექტზე ერთად მუშაობა.
რა დაბრკოლებები შეგხვდათ პროექტის შექმნის პროცესში?
ILA: დაბრკოლება იყო მხოლოდ დისტანცია. მე თბილისში ვცხოვრობდი, ლიო კი ბათუმში, ამიტომ მანძილი გარკვეულ პრობლემას წარმოადგენდა. სხვა დაბრკოლება პრაქტიკულად არ გვქონია.
როგორია მუსიკაზე მუშაობის პროცესი?
ILA: პროცესი არის ჩემი აზრით ძალიან საინტერესო, რადგან ნებისმიერ ადგილას მარტივად ვადაპტირდებით. ისეთ ადგილას დაგვიწერია სიმღერის ტექსტი, მაგალითად, როგორიცაა კარავი.
LIO: რასაც ვგრძნობთ ყველაფერს ვუშვებთ. ჩვენი მუსიკა არის შეგრძნებების ერთობლიობა. შინაგანად საითაც ვართ, როგორც ვართ, ეგ გადმოგვაქვს მუსიკაშიც.
View this post on Instagram
მოგწონთ როდესაც სხვა მუსიკოსებს გადარებენ?
LIO: მე პირადად მესმის, რომ ამას კომპლიმენტის გამო აკეთებენ. თუმცა უფრო მოგვეწონება, რომ ადამიანებმა როგორც განსხვავებული ინდივიდები ისე აღგვიქვან.
გარდა მუსიკისა რა არის თქვენი ინტერესის სფერო?
LIO: მე ზოგადად ხელოვნების სფეროში ვგრძნობ თავს თავისუფლად. ჩემთვის ვხატავ კიდეც და ასევე გრაფიკული დიზაინიც მაინტერესებს.
ILA: ექსტრემალური რაღაცების კეთება მიყვარს ველოსიპედზე და ასევე მიყვარს ცხოველები. მინდა აქტივისტი ვიყო და ჩემი სიტყვა ვთქვა მათი უფლებების დაცვისთვის.
